Baad Xaagu
Israa-il lubnaanal Qusba maysattakooki gexisak geytimtaamaak ugutak Iraan Ameerikâ luk abteh tan Girâ soolô sittin geyim raaqeyyo axcuk meysiissô farmo rubteemiik gexxaamah Ameerikah Prezidanti Israa-il kee Cizbullâ fanal Qusba Girâ soolo abelem Qaddoose.
**
📌Ameerikah Prezidanti Donald Trumpi Lubnaan kee Israa-il fanal Girâ akkelem kee Israa-il Cizbullat Maysattaka abe waytam kee Cizbulla kaaduk Israa-ilit Maysattaka abe waytam Yiysixxige.
📌Ameerikah Prezidanti Donald Teumpi Israa-ilik Naharsi malaak Binjamiin Natanyaahô luk kaxxam meqeh yan walal gexseh yanim kee Israa-il Doolat Lubnaanak Inaytâ magaala Beyruut Fanah Hebeltô qande Ruube waytam Yiysixxigem kee Israa-il Taturteh tan Ayroorah Gabbi Qaxih Lubnaanat Gibdi maysattakooki Gexiseyyo axcuk Meysiissô farmooma Ruubak Sugtem warsan.
📌Ameerikah Prezidanti Donald Trumpi Ayyuntiinô retteemal Tatruseh yan farmol iyyeemih Ameerikak Fayyo miraaciinih awlaytiit Cizbullâ miraaciinû luk Telefoon walal gexseenih yaniinim qaddoosem kee Cizbullâ gaadile Israa-ilit maysattaka gexise Waytuh teetil xayyoosen mabla oggoltem qaddoose.
📌Israa-ilik Naharsi malaak Binjamiin Natanyaaho Ameerikah Prezidanti Doonald Trumpî luk Telefoon angaaraw abaamak afal Israa-ilik Qaran qande Lubnaanak Inaytâ magaala Beyruutut Qaran Maysattakooki akah abtannah Amri Tatruseh sugem kee Tonnaah Israa-ilik Kalalí qandeh malaak Yasraa-il Kasti Lubnaanak Inaytâ magaala Beyruut Saay kee Sabhalaal Gee waytam Kee Tohum Kaadu Kilbattí Israa-ilih Magaaloolih Amni Dacrisoosuh maqar le maaqattooti beeloonum Qaddooseh sugem Yescessen.
📌 Iraanak Doolat Baadal Taybulli elle qaddoosennal Israa-il Lubnaanat Maysattakooki bisoh haytek Iraan kee ameerikah Fanal Tekkeh sugteh tan Girâ soolo assakaxxe waytam kee Israa-il Beyruutut Maysattaka abtek Iraan Qande Kilbattí Israa-ilit Maqar le maysattaka abelem Tiysixxigeh ten.
📌Israa-il maysattakah bohoyuh Gabbi qaxih Beyruutuk Ummatta Duffuumak geytimtam kee Taham Fanah Lubanaak Baxaabaxsa le magaalooluk Milyoonuk daga takke Lubnaan Xaylo duffumteh geytimtam Qaddoosen.
