Baad Xaagu
Iraanak Uguugumiini Dacayrih qande (IRGC) Elle Tiysixxigennal Khaliij Qarab baaxooxal geytimtah tan Ameerikak Qaskariyyoh fanteenit Misaa-il Kee diroonittê maysattaka gexissem Al-Jaziirah Xaagih raceena Qaddoosse.
Iraan maysattaka edde gexissem Bacreenil geytimtah tan Ameerikak 5heele Baddi Qande Macaxih maktab kinnim kee Tonnaah Qaran qandeh fanteenaanii kee Kalah tan Ameerikak Qaskariyyoh fanteenaanit Maqar le maysattaka gexisseh tanim Timixxige.
Iraan Ameerikak Qandê fanteenaanit Tannah tan maysattaka Akah gexissu duuddem Hormoz badih tabeenat Xayuk raqtah tan Dariifak Taturak sugteh tan Iraanak Siragleleê markab kee Iraanak baxaabaxsa le angaarawittek Rakiibô daddoosih fanteenaanit ameerika Abteh tan maysattakak Canê gacsah abteh tan maysattakooki kinnim Iraan Qande Tiysixxige.
Tama Canê gacsi maysattakooki Bacreen kee Kuweetil Geytimtah tan Ameerikak Qandê fanteenaanii kee Ameerika Qokoltah tan Xisoosat Misaa-ilittee kee Diroonittet Maqar le maysattaka gexisseh tanim Iraan Tiysixxige.
Royteris Xaagih raceena elle qaddoossenal Iraan Gexisseh tan Misaa-ilittee kee Diroonittê maysattakooki Ameerikak Qaran Kalalih Silaacitte baxqisseh tanim kee Tonnaah Kuweetik Qaran Kalalí Salaacitte Taamal asiseenih yaniinim kee Ameerikak Qaran Kalalih Qande Kuweet Isí baaxok Koosittuh (Kalaltuh) Faxximta Qokolitte abak geytimtam Yescessen.
Fanti Maacal Saay kee salaam caaloota Umannal milaagimak temeeteh tan Fanti Maacal geytimtah tan Ameerikah qandek Fanti macaxi (CENTCOM) Hormoz Badih Tabeenah Dariifal geytimtah tan Gadirwat Iraan leh tan Qaskariyyoh fanteenaanit Maysattaka gexiseh yanim Yiysixxigem kassinna.
Ameerika Qusbuk gexissah tan Maysattakookik Sabab Iraan Ameerikah Diroon Qiddem kee Tonnaah Hormoz dariifal Iraan Bombitte Taaguquh abak geytimtah tan Angagoyyitte Hoortuh abak geytimtah tan maysattakooki kinnim Tiysixxige.
