Baad Xaagu
Israa-il Kee Lubnaan Doolat Sittin gey abeenih yaniinim Ameerikak Irô caagiidah malaak Yeyyeeqeh yan maybalaalaqal Tiysixxige.
Israa-il kee Lubnaan doolat abteh tan Girâ Soolô Sittin gey Inki Kabuuk (Inki Tanuuk) abbinoosu waanam Cizbullâ gaadile Israa-ilit abak geytimtah tan Maysattaka Soolissek kinnim Qaddoosen.
Israa-il kee Lubnaan Doolatih fanal Taturteh tan alsitteh addat Girâ soolô sittin gey abeenih sugeenim Takkay immay Cizbullaa kee Israa-il Girâ soolô sittin gey Assakaxxekkah sugeenim kee Kulli Ayro Qagaaqagitak Maysattakooki sittat abak Sugeenim Yescessen.
Israa-il kee Lubnaan fanal Angaaraw kee Sittin gey Maqarroowuh Namma baaxo fooca fanal Baxaabaxsa le Ximmoomal Sittâ luk Walal Sarrimaane le Salaam Sittin gey maqarroosoonuh taamiteloonum Yescessen.
Israa-il Doolat Teyyeeqeh tan maybalaalaqal Lubnaan addal geytimtah tan Cizbullâ gaadile Lubnaanak Sarrimaanê salaamih caagiidal madaqtam Mafaxximta axcuk Cizbullâ gaadile Lubnaan Siyaasaa kee Qaskariyyoh Gabâ culsitte maqar luk Tassacakkeh tanim Tiysixxige.
Gabbi Qaxih Lubnaanak Liitaanih Weeqaytuu kee Kalbattí Israa-ilih Cuduudittet raqtah tan Dariifak Cizbullâ gaadule Tawqem faxximtam kee Cizbullâ gaadile Too Dariifak awqe waytek Girâ soolo sittin gey abbinoose waytam Tiysixxige.
June Alsak 22/2026 Israa-il kee Lubnaan Erga angoorowuk walaleloonum kee Ciggiilak Sarrimaane Salaamih Sittin gey abeloonu axcuk Qambaalan.
