Baad Xaagu
Israa-il kee Lubnaan Girâ soolo abbinoosoonuh Sittin gey abeenimih taagah Siragleleê limo addah Gacteh tanim kee Ameerikaa kee Iraan fanal Yanih yan kookaxaw Salaam gitaak Calli geysiisoonuu kee Baadak Siragleleê xayyoosih gititte fakoonuh baad caddol Diplomaasî macalitte abak geytimaanam Yescessen.
Smeerikah Doolat Iraanak Hormoz Dariifat abteh tan maysattakaa kee Iraan Qande Canê gacsah Kuweetit Gexisseh tan Maysattakaak ugutak Suragleleê limo Boolul 2% fayya inteh sugtem takkay immay Israa-il kee Lubnaan Girâ soolo abbinoosoonuh Sittin gey abeenimiik ugutak Siraglelê limo addah gacteh tanim baxaabaxsa le Xaagih raceenaani Qaddoosak geytimta.
Lubnaan kee Israa-il fanal Tama Sittin gey yakkuh Ameerikah Doolat Ken fanal malakmisak gacak Kaxxa macal abteh tanim kee Lubnaan kee Israa-il Fanal Girâ soolo sittin gey abeenik Ameerikaa kee Iraan fanal Ginniimeh yan Taqabi Diplomaasî callitte geysiisoonuh kaxxa Saami ginele axcuk Qambaalan.
Ameerikah Prezidantih Yan Donald Trumpi abeh yan yaabal Iraanâ luk Akkuk geytimah yan Diplomaasî xaloot Yamaate Ayyaamih addat Meqe xaloot Baaheleemih Qaago Tanim Diggoose.
Iraanak Irô caagiidah Malaakah yan Qabbaas Isle kabuk Elle qaddoosennal Iraan kee Ameerikah fanal diplomaasî walal akkuk geytimam takkay immay Taham fanah Aysuk Tayseh tan Caagiida ane waytam Qaddoose.
Ameerikah Malah buxak Ribablikaan Partih adoytiit Donald Trumpi Iraan Carbit bisoh Akah axce waannah Kaa Debertah tan Margaqooqi Tatruseenih geytimaanam Yescessen.
Baadak Enerjih (Elmoh) Caagiidah Ejensi elle qaddoosennal Awayih udduur baadal Siragleleê boola tannal gexxek Baadal Siragleleê caagiida kaxxa Uma caddo fanah beelem Tiysixxige.
