Afrika
Soomaaliyak Inaytâ magaalal Akkuk geytimah yan Booduk Sabab Soomaaliyah Prezidantih Yan Casan Sheekh Macmuuduk Reedah Udduur Gaba kalak geytimaamih Taagah Prezidanti Casan Sheekh Macmuud Reedah Udduur Yayxeeruh Sanat 2024 Soomaaliyah Parlamal Xayyoosak Soomaaliyah Madqa (Dastuur) Akah Yaysiisen innah abeemiik gexaak Soomaaliyak Sadi missoynaani Ayyaamitteh Kaa Saddah Tan Sadí Sooloola Gexissuh Bicsitak Sugteh tan Udduur Soomaaliyak Doolat Qande Sadí Missoynaanil Qokoleenitil Gara Toogoreh tanim Yescessen.
Soomaaliyak Sadí missoynaanih Saqoltih Tan Sheekh Shariif Sheekh Acmad kee Casan Qali Khayre Qokltah tan Gira le gaadile Soomaaliyak Baxaabaxsa le Doolat Maktabittee kee Ummuunoh abbah Kalqatittet kaxxam Gibdih tan maysattakooki Gexisseh tanim Qaddoosen.
Tamah Ossatinah Awayih udduur Soomaaliyak Federaal Doolatih Gubat raqtah tan Jubbalandii kee Puntalandi innah tan Rakaakayitte Soomaaliyak Faderaal Doolatâ luk Siyaasâ caddol kaxxa Kookaxawih addat tanim warsan.
Soomaaliyah Doolat 30 Sanatih Gideh Addaa kee Addah carbit biyaakitteeh Doolatiini kaxxa boola elle leh tan baaxo kinnim Takkay immay Baadak Baxaabaxsa le Missoynaanii kee Afrikah Inkittiinoh egla Carbi Taqabittek Tawquh Qokol Teetih Abak geytiman Tonnaah Afrikah Inkittiinoh egla Soomaaliyal Saay kee Salaam Dacrissah tan Qande Soomaaliyal Tabbixem Kassinna.
Afrikah Inkittiinoh Eglaa kee IGAAD missoyna Teyyeeqeh tan maybalaalaqal Soomaaliyal Carbi Sittat abak geytimtah tan Exxaaxi Bood kee Kookaxawak Isinni Ayyaaquk Ginniimeh yan Taqabi Diplomaasii kee Salaam gitaak Yafdigeenim faxximtam Yescessen.
