Baad Xaagu
Ameerikaa kee Iraanal Qimbô caddol yekkeh Salaam sittin geyiik ugutak Siragleleê limo Fayyo le caddol addah axcuk geytimtam Royters xaagih raceena Tiysixxigem kee away Siraglelee abak geytimtah tan limô nakuusi Tatreh yan Sidiica alsah Aaxige wayta gurral addah Oobak geytimtam Qaddoosen.
Birinti Deqsittah tan Siraglelee Barmiilil 81 dollaar Gufteh tanim Yescesseenim kee Ameerikah Siragleleeh tu gactek 78 dollaar fanah addah Obteh tanim Qaddoosen.
Baadal Siragleleê limo addah Oobak geytimtam takkay immay Iraan Carbi Qimbisaamak afal elle sugtennal Aduurekkah tanim Yescessen.
Ameerikaa kee Iraan Sittin gey warkatal Feerâ wara Haanamih Taddiira Yamaate Jumqaatah Suzerlandih Inaytâ magaala Geneeval akkele axcuk Qambaalan.
Iraan kee Ameerikah Sittin geyiik ugutak Alfimeh sugeh yan Hormoz badih giti fakkiimele axcuk Qamabaalaanam takkay immay Iraan Badal Toogoqeh sugteh taan bombitteek gexxaamah Baadak Siraglelee teerreh taturtah tan maraakib Ayyaamitteh Kaxxa angagoyya abe waytam qaddoosen.
Ameerikah doolat Khaliij qarab baaxooxah Siraglelee Limok soltaamak Qarab baaxooxak Sirrih Siraglelee beyak sugteemit yaaban.
Toh tonnal anuk Baadak mango tan Siragleleeh Limmoosiyyal tamixxigeh tan Chaynah doolatak Siragleleê fayxi addah gacak geytimtam Kee Iraan Siraglelee dumak baxsa le gurral Ameerikah Katlâ xibik awquk baad qadaagal xayyoowele axcuk qambaalaanamih taagah Siragleleê limol kaxxam meqe doori digirele axcuk qambaalan.
