Tigray kee Itiyoopiyah xaagu
Cuwaacat (TPLF) missoyna Kimaalih Ayro Teyyeeqeh tan Maybalaalaqal elle qaddoossennal Itiyoopiyal Xinto gabat leh tan Leedâ parti Tigrayâ luk leh tan Malâ baxsitteh Calli Carbii kee Caylat Geysiissuh Duma Tigray ummattal bahteh tan Samad Baysi maaqatta 2heele addah Qagissuh Carbih Bicsitak geytimtam Diggoosse.
Dagoo ayroorak Afal Getachew Reddaa kee Ridwaan Cuseen Sittâ luk Yuktubeenih yanin Kutbel Cuwaacat (TPLF) Missiyna Itiyoopiyak Faderaal Doolatat Carbi faktuh Margaqa Tatrusseh geytimta axcuk Al-Jaziirak Ingiliiz exxal Yeyyeeqeenih Sugeenim kassinna.
Tigrayak Cuwaacat Missoyna Itiyoopiyah doolatâ luk Pritooriyal abteh tan Salaam Sittin gey xabanah cabak Itiyoopiyah doolatat Carbi faktuh Bicsitak geytimtam Ta Kutbel Qaddoosih sugen.
Takkay ikkah Cuwaacat Missoyna Ayyaam Oytitte axcuk Teyyeeqeh tan maybalaalaqal elle qaddoossennal Itiyoopiyak Federaal Doolat Tigray rakaakayak baxaabaxsa le Dariifal Diroonittê maysattaka gexisak geytimtam kee Itiyoopiyak Kalali qande Tigrayak Affara kaalik maaduh raqtah tan dariifa fanah Xayyoosseh geytimtam Tiysixxige.
Tonnaah Itiyoopiyah doolat Tigray rakaakayal Hayteh tan Katlâ xibixiik ugutak Awayih udduur Tigray rakaakayal Qaafiyat mansoofaa kee Rakiibô maaqiddih xayyoosih taqabitte tanim Tiysixxige.
Awayih Udduur Itiyoopiyah doolat kee Tigray rakaakayih fanah Carbi akah ugutekkah yanim Tigray Rakaakayih miraaciini abah yan Sabri kinnim qaddoosak Itiyoopiyah doolat Tigray rakaakayal carbi faktam qimbissuh ane sinni Sababitte ginak geytimta axcuk qaddoosse.
Cuwaacat Telleeqeh tan maybalaalaqak ellecabol Tigray Ummattak Aniinaa kee Kinnaane Qawwalaylat Culussah tan Maysattakat Koositaanamih Cakki Ginook linoomih taagah Tigray kinnaane Dacrisnuh Duma akah abba haynennah Maqar luk Koositeloonum Tiysixxige
