Ameerikaa kee Iraan
Ameerikaa kee Iraan Sittat abak suge Carbi Soolisoonuh Elle sugâ girâ soolo Taturteh tan Arbaqah abeenih Sugeenim Kassinna.
Ameerikah Prezidanti Donald Trumpi abeh yan yaabal iyyem Iraan Culteh xagana Duuduse waytek Iraanat Qagisaak maysattaka abelem kee Iraan miraaciinu Qidelem Yiysixxige.
Baad Miroctî luk Faransal G7 Koboxut angaluk geytimah yan Ameerikah Prezidanti Donald Trumpi Duma Iraanak Balastiik Misaa-ilitte inki kabuuk Finqiseyyo axcuk yaabak sugem takkay immay Iraan Misaa-ilitte Akah Aalle waytannah abaanam Qadaalat Sinna kinnim qaddoosak Qimbol Iraanat Maysatta Abuh Sabab tekkeh tan Caagiidat Yaabeh yanim Yescessen.
Donald Trumpi Iraanâ luk abeh yan Salaam Sittin gey wagsiisak Yeyyeeqeh yan maybalaalaqal iyyeemih Iraan Sittin geyil culte Xagna maktek Maqar le maysattaka teetit abenno laakin Toh takkem mafanxa abneh nan Sittan gey Yassakaxxeenim faxximta axcuk yaabe,Ameerikaa kee Iraanak Walal gexissah tan erga Fooca fanah tamaateh tan 60 Ayrook lakal Sarrimaane le Salaam Sittin gey abeloonu axcuk qambaalan.
Donald Trumpi Iraan miraaciinu wagsiisak abeh yan yaabal iyyeemih Iraan Miraaciini kaxxa Yafhimeeh tû ced le miraaciinu kinnim qaddoosem kee Iraan Kee Ameerikah Fanal yekkeh yan Salaan sittin way fanti maacal Salaam geysiiselem kee Siragleleê limo addah heeleemih Qaago tanim Qaddoose.
