Eretriya
Eretriyak Maysaxxagâ malaakah yan Yamaane Gebremeskel Xayi Ayroorah Getachew Redda Eretriya Wagsiisak abeh Yan yaabay Itiyoopiyah baadal Taybulli EBC Tatruseenil Maqar le Raddi gacseh yanim Yescessen.
Eretriyak Maysaxxagâ malaakah yan Yamaane Gebremeskel Itiyoopiyak Naharsi malaak Dr Abiyyik Acmadak Ayrô mawqah Aftikah Caagiidah fayu abeenah yan Getachew Redda Eretriya wagsiisak abeh yan yaabal Gacseh yan Raddil iyyemih Getachew Redda Xayyoosak Geytimah yan Oytitte Numma Xeerih tan Diraab Oytittey Ane waynuh tani kinnim qaddoosak Tannah tan Oytitte Niyâ garuuq Yibbixeh yan Leedâ parti Qagaaqagisak abak geytimtah Ane waynuh tan Diraab Yaabittek Exxak Teeenah tan Yaabitte kinnim qaddoose.
Gifta Yamaane Gebre Meskel Getachew Redda Duma Axcih Tigray rakaakay kee Faederaal doolatih Carbih udduur Itiyoopiyak Naharsi malaakat Qagaaqagitak abak sugeh yan Yaabitte Kassiisak Getachew Reddak yaabitte Sittat booddaah Sitta Taaagureh tan yaabitte abak geytimam Yescessse.
Getachew Redda Eretriya Amô baxxaaqa leeh Tan Doolat Takkuh Tet Xissem Itiyoopiyah Doolat Taggilem faxak sugteh tan Ganô Caylitte Axcuk abeh yan Yaabal Yamaane Gebremeskel Abeh yan raddil Eretriya Isí amoh Xiini kee amô baxxaaqa gee waytuh Itiyoopiyah doolat Isi Geopolotikah Tuxxiiqiik (maslacataak) ugutak Macalak sugtem qaddoose.
Itiyoopiyah doolat baad baaxooxak Qskariyyooy, Maaliyyaa kee Siyaasâ caddol kaxxam mango qokolitte Geyak sugteh tan waktih Eretriyah 30 Sanataak Dumak Gexisseh tan Giclol Baad Darre edde cabeh ummattaa kee baaxok sugtem kassiise.
Itiyoopiyah Doolat Baad madqooqit Aaqituk Isi maaduk Tabba inteh Rretriyah baaxooxa Caylah Tabbixem Gabbatteeh baad baaxooxa Hayteh tan Cuduudittet Teeqeteh tan baaxo kinnim Qaddoose.
Itiyoopiyah Doolat Ummatta Carbih Uguugussuh Getachew Reddah Mekeelissot Tantifiqem Tascassem Itiyoopiyah miraaciini abaah cabam Isik Aaxige waam kee Ken Yibbixeh yan Niyâ garuuq Tascassem kinnim Diggoose.
