Ehiopia-Amhara
Amaarâ Rakaakayak Salaam kee Saay Biiro Teyyeeqeh tan maybalaalaqal elle Tiysixxigennal Amaarâ rakaakay kee Itiyoopiyak baxaabaxsa le dariifal akkuk geytimtah tan boodittek (Carbitte) Tigray rakaakay kee Eretriyah Qande gaba edde leh tan carbi axcuk Tiysixxigem kee Tigray rakaakayak TPLF buttaa kee Eretriyah doolat Tama carbitte Qaskariyyoh Mihrat Qokoluuy, miraacisiyyaay kee Loojistiik Qokol abak geytimaana axcuk Qaddoosse.
Amaarâ rakaakayak Saay kee Salaam biiro Kimaalih Ayro Teyyeeqeh tan maybalaalaqal elle qaddoossenal Away Amaarâ rakaakal akkuk geytimah yan carbik Kinnaane nagay cedaanam faxximraah Amaarâ rakaakayal Carbi abak geytimtam Fannoh butta akke Waytam kee Tama carbit Irô caylittee kee addâ caylitte gaba edde Tanim Yiysixxigen.
Amaarâ rakaakayak Saay kee Salaam biiro Teyyeeqeh tan maybalaalaqal elle Tiysixxigennal Walkaayitiiy, Sellemtii kee Rayya lowsiissam faxxah tan butta Amaarak gersi dariifaak cultah tan Caylitte teetik Waassuh (hoortuh) Awlaytiino akah teceeh tanim Fannoh butta kinnim Tiysixxigem kee Tigray qande Walkaat dariifa cultuh Fannoh gaadule Amaarâ rakaakayak baxaabaxsa le dariifa fanah akah cultannah abak geytimtam Tama maybalaalaqal Qaddoosse.
Amaarâ rakaakayak Saay kee Salaam maktab elle Diggoosennal Fannoh gaadile Amaarâ rakaakayak baxaabaxsa le rasittee kee Daqooritil carbi akah fakak geytimtaamak hadaf Itiyoopiyak Kalalí qandek Hangi fixiixissuuy Cuduuditte fanah abak geytimtah tan angagoyyal adaf teetik takkuh makkook abtah tan carbi kinnim Tiysixxige.
Amaarâ rakaakay Eretriyah qandee kee Tigray qande yekkeh yan carbit gabâ culsa leemib dareemteh tanim tah qimboh adda akke waytam yescessen.
Itiyoopiyak Irô caagiidah malaak Afah ayroorah teyyeeqeh tan maybalaalaqal Eretriyah qandee kee Tigray rakaakayih qande sittâ luk cattiimak Itiyoopiyat carbi aboonuh taamitak geytimaanam kee Namma exxak “Simdo” axcuk Inkittiino gineenih yaniinim tiysixxigem kee Ahaak afal Fannoh gaadule Wollô dariifak waldaya lowsiissuh abteh tan carbik darret Shaqbiyyaa kee Cuwaacat (TPLF) butta gaba edde lem Tiysixxigeh ten.
Kimal Yeyyeqeh Yan Maybalaalaqal, Biiro Elle Qadosennalaay, Ayyunti “Numma Edde Raddam” Faxximtam Kee Tama Qeebi “Extremist” Axcuk Qaddosseh Tan Buttaati Dibuk Hinnay, Adda Kee Iroh Caagiidal Geytimta Maritteh Addat Geytimtam Faxximtam Qaddosen.
