Ameerikah Prezidantih yan Donald Trumpi Masri Prezidanti Qabdulfattaac Al-Siisi Ruubeh yan farmol Prezidanti Qabdulfattaac Al-Siisi Camaas kee Israa-il fanat girâ soolo takkuh abeh yan macal kee Digireh yan doorih gadda kaah gacisak Octoober alsak 7/2023 Gazzal yekkeh yan carbi Falastiin xaylo dubuk hinnay Masri xaylo edde biyaakitteh tanim qaddoose.
Ameerikah Prezidanti Donald Trumpi abeh yan yaabal iyyeemih Yoo kee Masri Prezidanti Qabdulfattaac Al-Siisih fanal yan maqar le kataysiisuuk ugutakaay, Ameerikah doolat Salaam kee Masri Sahqbih Assamaaqah leh tan fayxiik ugutak Masrii kee Itiyoopiyah fanal Abbay (Naayil) leeh Kurrusitiyyal loonuh yanin kookaxaw kee naqabuh Ellecabô calli geysiisuh macalelem Yiysixxige.
Donald Trumpi Qabdulfattaac Al-Siisih Ruubeh yan ayyuftal iyyeemih abbay Weeqayyti (Abbay weeqayti) Masri doolat kee masri ummattah leh yan Tuxxiiq kee muhimmat Yoo kee Yi xiinisso nagay naaxigeemih taagah Masriiy Itiyoopiyaa kee Suudaan fanal abbay weeqaytih lee Sarrimaane le gurral qadaalat leh Gitittel Sittah akah kurrusutan innah abelem Yiysixxige.
Donald Trumpi Ruubeh yan Ayyuftal elle qaddoosennal iyyeemih Ameerikah doolat Tama dariifal Abbay weeqaytih lee Inki doolat dubuh lowsiisak Isi cuggaanel Taqabitte kataassam faxxiime waytaamal Taaminem kassiise.
Ameerikah doolat baxaabaxsa le mihratleelat cattiimak tonnaah Qadaalat kee Qidiino leh tan Walalitte gexsiisak Masriiy Suudaan kee Itiyoopiyah fanal Tanih tan taqabitteh calli acayuk Masrii kee Suudaan Qadalsih udduur (Qabaar Yan udduur) faxxiimtah tan Lee akah geytannaa kee Itiyoopiyah doolat kaadu Faxxiimah yan Kuuran akah geytannah Faxxiima macal abelem yiysixxige.
Ameerikah doolat Abbay Karawwadal (GERD) Itiyoopiyaa kee Masri fanal tanih tan Kookaxawitteh Calli geysiisuh Kulli ajendaadik Inkih Aysukumuk taamitem yiysixxigem kee Tonnaah fanti maacal Salaam kee Sabhalal geysiisuh taamitelem kee Abbay Karawwadaak gexxaamah Masrii kee Itiyoopiyah fanal carbi akah Ugute waannah Taamitelem Tama farmô warkatal diggoose.
