Baxaabaxsa le Xaagih raceenaani elle qaddoossannal Djiboutî doolat 1400 Takkeh tan Sooomaalilandih Xayloy Djiboutî baaxô baxiinuu kee Passporti geyteh sugtek Baaxô baxiinuu kee Passporti Bukkusak geytimtam kee Djiboutî doolat Baaxô baxooxu akak bukkusseh tan Soomaalilandih marittet Kedoh abbobtiiy, Soomaalilandil Ummattah awlaytiitih malah buxah adoytiit kee xaagi qawa edde tanim warseenim kee Djiboutî doolat Tama maaqatta akah beyteemik Sabab Soomaalilandik baxaabaxsa le ayyunti exxaaxi Djiboutih ummattak kee Djiboutî prezidantik migaq baysak geytimaanamih taagah Djiboutî doolat Qimbisseh tan maaqatta kinnim yescessen.

Djiboutî fayyo le caddoh miraaciini elle Yiysixxigennal Tannah tan maaqatta Dariifâ sabhalaal kee Maqdâ daga raaqiyyi diggoowuk Abbinoosak geytimaanah yanin maaqatta kinnim yescesseenim kee Djibouti Tatrusak geytimtah tan maaqatta wagsiisak Ayyuntiinô retteemal Fuxiixak geytimtah tan Diraab oytitte Nummaase waanam faxximtam Kassiisen.

Soomaalilandih Doolat Taturteh tan ayyaamitteh Djiboutî tayyaara Soomaalilandik Inaytâ magaala Hargeesal Akah Oobe waytannah amri Tatrusseh tanim kassinna.

Taturteh tan Alsitteh Ceer qiisa Diqsitta Qiisi madqah Kitaabih dooqayso Zeylaqal Akah takkennah mango tan bicitte abeenih sugeenim takkay immay Soomaalilandik Salal rasuu kee Awdal Rasih miraaciini Ceer Qiisah Qaffayda Zeylaqal takkem cineenimiik gexxaamah Too dariifal Qiisaa kee Gadabursih(Samaroon) fanal Carbi Uguteh sugem kassinna.

Awayih udduur Israa-il doolat Soomaalilandih doolatah Doolatiiní mamaaxaga teceemiik ugutak Qarab baaxooxaay Muslimiin baaxooxa kaxxam saddeh tanim kee Djiboutî doolat kaadu maqar luk saddeh tanim qaddoosen.