Tigray rakaakayih qandek Fayyo le caddoh miraacah Suge Birgaader Generaal Guqush Gebre Lowsiis gubat haak Tigray rakakaakayak Daga raqta Sangerrah Cokmih Buxal kaa xayooseenimiik Ugutak Tigray rakaakayak Siyaasâ miraaciinih fanal siyaasâ taqabittee kee kookaxawitte ginnimteh tanim qaddoosen.
Tigray rakaakayak Salaam kee Saay biiro Kimaal Teyyeeqeh tan maybalaalaqal Elle qaddoossennal Generaal Guqush Gebre Tugrayak Daga raqta sangerral Wayto (malkit) kaak xayyooseenim Tiysixxigem kee Tohuk sabab Naqboytiitî luk Angaaw luk suge axcuk Lowsiisit kaa heenih yaniinim Tiysixxige.
Duma Mekelê jaamiqatak Prezidantiiy Tigray rakaakayak Getachew Redda miraacisak Suge Elle Sugâ xiinissoh Doolatak adoytah suge Professor Kindayya Gebrehowot abeh yan yaabal iyyeemih Generaal Guqush Gebre Akah casbiseenim Tigray Rakaakay away miraacisak geytimtah tan Baatileenit butta makkook bicisseh tan Ganô kinnim qaddoose.
Away Simret Partih adiytah yan Professor Kindayya Gebrehiwot Generaal Guqushut Yekkeh yan axaw kee Kaak Xayyoosen Wayto (malkit ) Qaduuk Sadah yanim yiysixxige.
Professor Kindayya Yeceeh yan mablal iyyeemih Tigray xinto Generaal Guqushuk Xayyoosseh Geytô (malkit) ximmooma Ceele waytok tan ximmoomay Oggol sinni kinnim kee Tigray rakaakay miraacissah tan butta Siyaasâ taqabitte ginnimtuh kaxxa Fayxi leh tan butta kinnim Yescesse.
Prof Kindeyya Gebrehiwot elle qaddoosennal Tigray rakaakay Itiyoopiyah addal Qimboh addah Qaskariyyoh Cokmih buxa Haysiteh yan rakaakay kinnim qaddoose.
Generaal Guqush Gebre Itiyoopiyah Sanatih loowoh 1983 xabba haanam Itiyoopiyak kalalí qandeh addal baxaabaxsa le Saqoolinnal taamitak yemeeteh yan Generaal kinnim kee Itiyoopiyaa kee Tigray carbih udduur Tigray rakaakay fanah gexak TDF Diqsitta Tigray qandek Army 15 diqsittah tan qande miraacisak sugem warsan.
Baxaabaxsa le Oytitte elle Tascassennal Tigray Rakaakayal ginnimteh tan mablâ baxsitteek gexxaamah Generaal Guqush Taamak Kaa sooliseenih sugeenim kee Generaal Guqush Getachew Redda Qokolaah Getachew Reddah buttâ luk Angaaraw leemih dareemu kaak luk sugeenim Qaddoosen
