Itiyoopiyak naharsí malaak Tature caadah Djiboutit Taamâ gufne abak Prezidanti Ismaaqil Qumar gellê luk walal gexseek lakal Djiboutî magaalak 15 Kilimetril geytimtah Horizon Jabuuti Terminaal (HDTL) Kee Dorraaleh marsot Fordat (DMP) Gufne Abeh yanim Tama xaagih warkat Qaddoosse.
Dr Abiyyi Abeh yan Gufnek adda taaxigeh tan Baabur Cadiid Taamah Mihratleela elle qaddoossennal Itiyoopiyah doolat abteh tan Gufnek Lafa le hadaf Siragle lee,(Sansi)kee Buqrê Satqoh/Fertilizer
innah tan strateejih raqtah tan murtitte Qiyya baabur merraytih gitaak akah weeran innah abaanamih fayxi loowum Yescessen.
Awayih udduur Djiboutik Dorraaleh Marsol Oobak geytimtah tan buqrê satqo (Fertilizer) Baaburwah elle yaarren arooca fanah gufusoonuh 1.9 Kilometrih Xexxaar leh tan dariifa fanah Buuburwat weerak geytimaanam kee Tannah yan gexsit Itiyoopiyak Sanat 10 milyoonih dollaarak daga takke Ossatinah awqentitte Ayyaaquk geytimtaamih taagah Itiyoopiyah doolat Baar cadiid (Qiyya baabur) giti Saanih Dorraaleh Marso(Furda) akah Culannah abtam faxxam warsen.
Tama bisle Oytal Itiyoopiyah doolat Djiboutik Horizoon Siragle leê Terminaal Arooca Qiyya baabur (baabur Cadiid) gitat yangooroweenimih fayxi leh tanim Diggooseenim kee Too taama takkuh Itiyoopiyah doolat 3 Kilometri Yakke Baabur Cadiid gita Bicissuh gulguluh geytimtam Djiboutî doolat kaadu Baabur cadiid Elle yaarreenim duudaanah yanim Terminaal Bicisele axcuk qambaalan.
Dr Abiyyi acmad Djiboutit abeh yan Taamâ Gufne Doolatak Daddoos Xisoosak caagidih calli yaceenimih hadaf luk sugteemih taagah Loojistiik caddol Taamitak geytimta Cankâ Shirkatitteh caagiiday Taqabi elle suge cubbit hee weenim Loojistiik Caddol Cankâ shirkatitte leh yan mari waagah(Weeqah) luk raaqeenim warsan.
Baxsa luk Itiyoopiyak Erer caagiidat taamittah tan Shirkatittee kee Maraakib awlaytiitih (wakiilitteh) eglah Prezidanti Gifta xaawit Wubshet Dr abeyyi abeh yan Taamâ gufnel Numtin amô (Cankâ shirkatitte) cubbi Aceekkah raaqe axcuk Waaga (Wayto) luk raaweenim qaddoose.
Baxsa luk 6 Takke Itiyoopiyak Numtin amô (cankâ ) Shirkatitteh Djiboutih addal taamittuh Keenik faxxiimak sugeh yan Idnih(Ruksatih) mattaco Djiboutî doolat udurrusak geytimtaamih taagah Itiyoopiyak Fayyo le caddoh miraaciini elle walalak faxxiima calli akah yaceenim qambaalak sugeenim yescessen.
