Fanti maacal tanih tan Siyaasâ taqabitte lafitak lafittam kee Iraan Doolat Hormiz badih dariifal 2 ayroh gideh sugu waah yan Qaskariyyoh aydakaakan kee Silaacittê Gabbatu abelem Tiysixxigem kee Tama aydakaakan elle Gexissu waytah tan dariifa Ameerikak Carbi maraakib elle tan dariifat kaxxa xayih tan dariifa kinnim Qaddoosen.

Iraan Qande Tama Qaskariyyoh aydakaakan kee Silaacittê gabbatu Akah gexissaamak Sabab Ameerikah doolatih Prezidanti Qagaaqagitak Iraanat Maysattaka abenno axcuk Meysissô farmooma ruubak Abham Linken Diqsittah tan Carbi Tayaayir Takkuqeh tan Carbi maraakib Iraanat Cuduuduh raqtah tan Dariifa fanah Xayyoosseh geytimtaamih Taagah abak geytimtah tan Qaskariyyoh Aydakaakan kinnim Yescessen.

Ameerikak Qandek Fanti macaxi (U.S. Central Command) Iraan Qandeh Tatruseh yan Maabitinâ farmol Ameerikak Carbi maraakibih Garil Iraan abtah tan Qawwalayla kataassam duddah tan angagoyyittek Tibba Axce waam Yiysixxige.

Iraanak Amni caagidak fayyo le miraaciinuu kee Iraanak edde cabah yan miraac Aayaatullah Qali Khamanaayik Fayu abeenah yan Qali Shamkhaani Abeh yan yaabal iyyeemih Iraan Baatilih Xagtaah mukuntam Gabbatttah tan Exxaaxih Faxxiima Gabâ gacsa Abeloonum Yescessen.

Qali Shamkhaani Lubnaanak Al-Mayaadiin Xaagih raceenâ luk abeh yan yaabal iyyeemih Ni Fsrmo qadoh Ni naqboytiit abtah tan faxe weeloh tan angagoyyitteh faxxiima Canê gacsa abenno axcuk yaabe.

Qali Shamkhaani Qagisaak iyyeemih Ameerikah qande Faaris bad kee Qummaan bad fanah Qande Xayyoosak geytimtaamah Too dariifa Lowsiissam duudele yaanam hinnam Axcuk Iraan Isí dudda nagay taaxigeemih taagah Elle faxxintannal Isik Koositelem Yiysixxige.

Iraan abtah tan Qaskariyyoh aydakaakan kee Silaacitteh gabbatitteey Ameerikah qandek Fanti macaxih maabitinâ farmo tascsssem Fanti maacih dariifal Faxe Udduur Amok radah Carbi ugteleemih bohoy yanim Tascasse.