International
Galli maroh eglak Naharsí Kutbe abeeni elle qaddoosennal Galli maroh eglak adoytiitih tan baaxooxa mekeltam faxxiimak ten lakqo Le waktil mekeltam duude wayteemih taagah Galli maroh eglak Maaliyyah caagiida kaxxaam uma caalatih addat geytimtam Diggoose.
Antooniyo Gutaareez Elle qaddoosennal Sanat 2025 ellecabol mekkeltimtam faxxiimak sugteh tan lakqoy Mekelekkah raaqeeni 1.6 Bilyoonih dollaar kinnim ascassuk Galli marok maaliyyah caaloota udduuruuk uddur gacak geytimtam yescessen.
Galli maroh eglak adoytiitih tan baaxooxa Keenil tanih tan Lakqo le waktil elle faxximtannah meklaanam duude weenik Galli maroh eglak Maaliyyah gexsit elle faxxiimak yenennal gexam maduudaamih taagah Awayih udduur Taama abeenit kee Muhimmik tan madabiinoh awqentitteh lakqo aynukusuk temeeteh tanim yiysixxige.
Antooniyo Gutaareez Tama maybalaalaqa yeyyeeqeh yanim Ameerikah Prezidanti Donald Trumpi Galli maroh eglah Ameerika Qokoluh acayuk sugteh tan Lakqo aynukusuk Galli maroh eglat qalaltah tan Salaam malah buxa xisak geytimah yan udduur kinnim Yescessen.
Sanat 2026 ellecabol Reedah udduur gaba akak kalak geytimah yan Antooniyo Gutaareez abeh yan baxxaqsal iyyeemih Baad caddol Ambulluyuk temeeteh tan geopolikah kurruumiyyaay, Daddoos kee banaadamiinô catottat asak sugteh baajitteh qokol (maaliyyah catotta) solteemih taagah Galli maroh egla Kulli december alsah faaticissah tan Ikraarok Sanat 2026 Ikraaroh Taama edde takkeh tan baajet xayyoowe weemih taagah Galli maroh eglah taamoomil kaxxa adaf akkuk geytimtam Qaddoose.
Galli maroh eglah adoytiitik elle gaaboysan innih gititte sissiguk missoowe waytek Galli maroh egla Aydaadul tumbulleh amixxige wayta Maaliyyah taqabitte tet Aafelem kee Galli maroh eglah Taama Inki kabuuk Soolak Tama missoyna Digloh beelem Yescesse.