Ameerikah Prezidanti Donald Teumpi Gazzal Israa-il Camaas Fanal Girâ soolo takkuh Xayyooseh Yan Ikraarok 1haytoh (qimboh )exxa abbinoosak awayih udduur Girâ soolô sittin geyik 2haytoh exxal walal gexisoonuh Camaas kee Kalah Falastiinil Angiicilluk geytimtah tan exxaaxih awlaytiit Masrik Inaytâ magaala Al-Qhaahira Culeenih geytimaanam Diggowte.
Camaas Kee Israa-il Fanal yakkeh yan Salaam Ittin geyih walal akkuk geytimam Israa-il Salaam sittin Assakaxxe cinak Gazzak baxaabaxsa le Dariifal Isih elle faxxennal Maysattakooki abak geytimtah tan udduur kinnim yescessen.
Ameerikak Prezidanti Donald Trumpi Gazzal girâ soolo takkuh Xayyooseh yan Salaam sittin geyih Ikraarok 2 haytoh exxal Camaas kee Teetî luk cattiimak Israa-il Sudah gira gaadih giclo gexisak geytimtah tan Gaadulek Gira elle Oobisan gurral walal gexiseloonu axcuk Geytimam Qaddoosen.
Camasak Siyaasâ maktabak Fayu abeenah yan Taahir Al-Nunu elle qaddoosennal Away Masrik inaytâ magaala Al-Qhaahiral Yakku waah yan walalal Israa-il qande Gazzah dariifak inki kabuuk akah tawqennaay Rafac giti akah fakkiimannaa kee Tonnaah Masri cuduudittel Koboxxeh tan Baad baaxooxa Gazzah rubteh tan catootta akah cultannah walal gexiseloonum Diggoose.
Israa-il Camaas fanal yakkeh tan Salaam sittin geyih walal malakmisah tanim Masriiy Turkiyaa kee Qhatar kinnim Away edde walal geytiman 2haytô caddoh walal Gazzal ginnimteh tan banaadamiinô taqabitteh faxximta callitte geysiisak Gazzal tan Taqabitte sahhaloosele axcuk qambaalaan warsan.
