Itiyoopiyak Irô caagiidah malaak elle Tiysixxigennal Itiyoopiyak naharsí malaak Dr Abiyyi Acmad Asaakî sabtih axcih January 31/2026 Djiboutî prezidanti Ismaaqil Qumar Gellee kee Soomaaliyah Prezidanti Casan Sheekh Macmuud Soomaalî rakaakayak Inaytâ magaala Jigjigal Garayyo kee Abeh yanim kee Tama angaarawak Hadaf Qasa bad kee Afrikah Gaysal Amnii kee Diplomassî Caagiidal Ginniimak geytimah Yan Buttiinuu kee Qaxok qaxiita Qusba gurral Xisoonuh abak geytimaanah yanin Gabatitte kinnim warsan.
Itiyoopiyak Irô caagiidah malaak Teyyeeqeh tan maybalaalaqal Djiboutî prezidantii kee Soomaaliyah Prezidanti Itiyoopiyat abak geytimtah tan Taamâ gufnek Hadaf kee Ajenxâ baxxaqsa abe waytem qaddoosen.
Namma baaxoh miraaciini Itiyoopiyat Taamâ gufne abak geytimaanam Itiyoopiyak Naharsi malaak Djiboutit Taamâ gufne abeemik 3 haytoh ayyaamak lakal Abeenih yanin Taamâ gufne kinnim kee Dr abiyyi Acmad Djiboutit Taamâ gyfne abeh yanim Masri doolat Djiboutî furdaadi (marsoosa) dadlissuh Djiboutî doolatâ luk sittin gey abteemiik lalak Abeh yan Gufne kinnim yescessen.
Dr abiyyi Acmad Djiboutit Taamâ gufne abeh yan udduur abeh yan yaabal Itiyoopiyaa kee Djibouti Geopolotikaay Dariifâ Salaam kee amniiy Loojistiim kee Tellemô caagiidal ittâ luk cattiimak Taamitoonuh walaleenih yaniinim Qaddooseh yen.
Soomaaliyah doolat Itiyoopiyak Kataysah tan Imaarat Doolatâ luk Hayteh sugte Amni caagiida sittin geyittek Is teyyeeqeh (Tinsicibeh) tanim kee Qhatar Doolatâ luk Amni caagiidal cattiimak taamittuh Xayi ayroorak afal Sittin gey abteh tanim Warsan.
Baxaabaxsa le Oytitte elle Tascassennal Suquudiyah doolat Imaarat Afrikah gaysal abtah tan Baarimiyya Debertuh Soomaaliyah doolatâ luk Qaskariyyô caagidal ittâ cattiimak elle Taamitan gurral sittin gey aboonuh bicsitak geytimaanan qaddoosen.
Soomaaliyah prezidanti Casan Sheekh Macmuud Suquuduyah doolatâ luk Qaskariyyoh Ittin gey abuh Suquudiyat Taamâ gufne abele axcuk qambaalan.
Tonnaah Masri Doolat Soomaaliyal Qaskariyyoh fanteenaani baarissuh taamitak geytimtam kee Masri doolat Soomaaliyal Qaskariyyoh fanteenaani Akah baarisak geytimtam Israa-il kee Israa-il Qokoltah tan baaxooxa Soomaalilandih Dariifal Qaskariyyoh fanteenaani baarissaamak kaxxa Bohoy lem warsan.
Soomaaliyah Prezidantii kee Djiboutî prezidanti Itiyoopiyak Soomaalî rakaakayat Gufne akah abeenim Fooca Diplomaasii kee Amni Caagiidal Itiyoopiyâ luk cattiimak Taamitoonuh Abeenih yanin Taamâ gufne kinnim yescessen.
