Somalia
Soomaaliyah Prezidanti Casan Sheekh Macmuud Soomaaliyah saay kee sabhalaal dacrissah tan Afrikah Inkittiinoh qande (AMISOM)Tangaluh Taakume Gulgulusso abak geytimtah tan Masri qande gexisseh tan Qaskariyyoh mayballaa kee Aydakaakan yengeleh yanim Egypt Today Xaagi Raceena Teyyeeqeh tan oytal Tiysixxige.
Masri qande abteh tan Qaskariyyoh mayballaa kee Aydakaakanih taddeerat Masrik Kalalí Qandeh Malaakah Yan Generaal Qabdulmajiid Saqhar Masri qandek edde cabah yan Saqalah yan Generaal Acmad Kaliifa Kee Kalah tan Masri qande Fayya Le caddoh miraaciini Edde yengelem qaddoosen.
Masri qandek maxco gabbaqe Elle Yescesenal Soomaaliyah Abeh yan taamâ gufnel Masri qande abteh tan bicittee kee gulgulussooy, Carbi dudda wagittaamal baxxaqsa kaah abeenim Yescessen.
Masri qande gexisseh tan Tama Qaskariyyoh gibbatitte taddeeral carbi Elle gexisan innah celsiis kee gabbaaquuy, kaxxah tan silaacitteh mayballaay kee Soomaaliya fanah ruubaanam faxaanah yanin Qaskariyyoh merraytitteh mayballa abeenih yaniinim qaddoosen.
Masri qandeh Miraciini Elle Qaddoosennal Masri qande Baxaabaxsale Qaskariyyoh caagiidal gabbatuu kee Aydakaakanak gaba kalak Bical (gulguluh) tanim Yismiteenih yaniinim kee Soomaaliya fanah ruubaanam faxan masri qande Maqarle qaskariyyoh Mihratih Aydakaakan Gaba kalteh tanim Qaddoosen.
Masri qande Tama Qaskariyyoh gibbatuu kee Aydakaakan abak geytimtam a ayyaamih addat Masri prezidantii kee Soomaaliyah Prezidantih fanal Yekkeh yan Walalak lakal gexseenih yanin Aydakaakan Taddeera kinnim Yeseccen.
Namma baaxoh Prezidantitte gexisseh tan walal Masri Prezidantih Yan Qabdulfattaac Al-Siisi Afrikah Inkiinoh Eglah qandeh gubaak Soomaaliyah saay kee Salaam dacrissah tan qande ruubuh Gulguluh yaniinim qaddosem kee Masri Doolat Soomaaliyaa kee Inkih tan Afrikah qaraanih gubal Saay kee Sabhalal marroowaamih fayxi leh tanim Diggoose.
