Soomaaliyah Prezidanti Casan Sheekh Macmuud abeh yan yaabal Israa-il doolat Soomaalilandih doolatiini mamaaxaga Teceem kaxxa yessecekkeh yanin kee Israa-ilik Diplomaasih caddol abak geytimtah angagoyyitte baad madqat Aaqatuk geytimtaah madqaak iroh tan baatil taamoomi abak geytimtam Qaddoose.
Israa-il doolat Soomaalilandih Doolatiiní mamaaxaga akah teceem Soomaalilandik baddí saaciltittel Qandê fanteenaani xissaamih Ikraaro leh tanim Yescesseenim kee Soomaaliyah Prezidanti Casan Sheekh Macmuud Israa-il Soomaalilandil Qaskariyyoh fanteena xissam Oggole waanam Yescesse.
Israa-il doolat Soomaalilandil Qaskariyyoh fanteena akah xissam faxxah tanim Soomaaliyak cuggaaneenâ baaxooxat Maysattaka abtu kinnim Prezidanti Casan Sheekh Macmuud Qaddoose.
Soomaalilandih addal Israa-il Faxe weeloh yan Qaskariyyoh cayla daffessam gabbattek Soomaaliyah doolat Israa-ilî luk carbit culelem kee Soomaaliyah Xiqqa haytaamal Israa-ilit Koositelem Prezidanti Casan Sheekh Macmuud diggoosem kee Soomaaliyah doolat Isik Koosittaamih dudda leh tanim Yescesse.
Toh yaanam Israa-il Soomaalilandi fanah Rubtu waytah tan qandê luk Foocak foocah carbi abenno yaanama axcuk baxxaqisem kee Too Carbi Akah abnam fanxaamak sabab Israa-il qande Soomaaliyah gubat geytimtah tan Soomaalilandil geytimtam faxe waytaamih taagah abtam faxxah tan carbi kinnim Yescesse.
Israa-il Soomaalilandih teceeh tan Doolatiiní mamaaxaga Inkih tan afrikaay, Qasa bad kee inkih yan baadal Kaxxa bohoy ginak Inkih tan dariifa Saay kee Sabhalaal waysiisam xiqah yan caagid kinnim Qaddoosen.
Israa-il Gazzak Falastiin xaylo beyteh tan Qaskariyyoh maaqatta Away Soomaalilandil abak geytimtah tan taamak baxsa Aalle waam qaddoosak Israa-il baadal Saay kee Salaam darraqoosak geytimtah tan baaxo kinnim Yiysixxige.
