Tigray rakaakayak Elle Sugâ xiinissoh Prezidantih Yan Generaal Taddese Werrede wakti caaloota Wagsiisak yeceeh yan maybalaalaqal iyyeemih Ayrô culmâ Tigrayak Selemti diqsita dariifaak fooca fanah culteh tan Tugray qande (TDF) Darreh akah taduurennaa (akah Tansicibennaa) kee Duma elle sugteh tan dariifa fanah akah taduurennah amri Tatruseenih yaniinim Yescesse.
Generaal Taddese Werrede elle qaddoosennal Tigray Qande culteh Sugteh tan dariifak Akah tawqennah Akah abeenimik Sabab Salaamah linoh nan Niyâ maqaane naybulluuy, Baaxô caddol Fidin carbi ugutaamak Catnuuy Salaam kee Sayaasâ walalal calli gorrisnuh Tatrusneh nan margaqa kinni axcuk yaabe.
Generaal Taddese Werrede Tigray baadal Taybullil Xayyooseh yan Lafa le ximmoomah Tu gactek
1-👉Pritooriyah sittin yassakaxxeenim qaddoosak Away ginnimteh tan Taqabik Tan caaloota Nawquh Pritooriyah sittin gey kee Itiyoopiyah madqa(Dastuur) nassaksxxem faxxintam ascassuk Ayrô culmâ tigrayak duffumteh tan dabboh xiina Le dabqih aduure waytek Qagiitaak uguta carbik Sabab akkelem Qaddoose.
2-👉Itiyoopiyak Federaal Doolatâ luk loonuh yanin Siyaasâ mablah baxsat yaabeh yan udduur iyyeemih Tigray rakaakay kee Federaal Doolatih fanah Ayrô culmâ xiinisso iyyin gabat gactaamih caddol Sittin way yanim qaddoosem kee Itiyoopiyak federaal doolat Ayrô culmâ tigrayih xiinisso Ummattak Anke siinih taysê dooro (referendum) abaanah gide 3haytoh exxa (malakmisah tan exxa) Xiinisak sugtam faxximta inta mabla lem kee Tigray rakaakay Too mabla cinak geytimtam ascassuk Tigray rakaakayih mablah tu gactek Too dariifa Hebeltô dooro gexisaanamak afal Dumaak gubat akak sugte Tigray guba taduurem faxximta inta mabla lem baxxaaqise.
3-👉ittin way elle yan Dariifal adam baxi cakkih Itqa akkuk geytimtam ascassuk Ayrô culmâ Tigray Lowsiisseh tan Sharqiyyat sinni butta Tigray xaylo Ceele waytooy, Mangoh tan baatilittee kee Adam baxi cakkit Aaqatuk geytimta axcuk Yaabe.
4-Siyaasaa kee Madduur taqabitte wagsiisak abeh yan yaabal iyyeemih :Itiyoopiyah doolat gexisseh tan Diroon Maysattakat Kaxxa qawwalayla toofem qaddoosak Tigray magaalool fanah Safarak sugteh tan Tayaayir Safar sooliseenim Sabbatah walalah Addis ababa fanah abak sugeh yan Safarat adaf kaak tekkem Qaddoosem kee Itiyoopiyah doolat Ruubak sugteh tan Baajet (Maaliyya)soolisseemih taagah Alsi qasbih meklal gibdaabini ken yoofeh yanim kee Tigray rakaakayal kaxxaam gibdih tan Qidaddô (Madduur) Taqabitte ginnimteh taniimih taagah Federaal Doolat Calli akah taceem faxximtam yescesse.
5- Iroo kee addâ caaloota wagsiisak iyyeemih Tigray caagiida wagsiisak Irol takkeh tan mabloolat Tigray rakaakayak elle sugâ xiinisso asgalle waanam qadfoosak Tigray rakaakayak elle Sugâ xiinisso sinnih yakkeh yan faxe caagid Oggol Aalle waam qaddoosem kee Tigray Shaqbik Tatruseh yan Farmol Tigrayal away Yoofeh yan taqabik Nawquh Inkittiino maqarroosnam faxximta axcuk yaabe.
Generaal Taddese Tatruseh yan maybalaalaqak ellecabol iyyeemih Uguttah tan Taqabittek Rakiibô Sababah tan caagiidak Tibba iyyaanam Yoogoqen bombittek tibba iyyaanah gideey Ayrok teena bakaqekkah maraqta axcuk yaabem kee Tanih tan taqabittek Calli Salaam gitaak takke walal kinniimih taagah Cikmatah raqtam Awayih udduur Salaam walalih gita dooritaanam kinnim yescesse
Ethiopia
