Baaxo Caddol Kimal ( Laqin-alsak 24/2018) Tekkeh tan Doorol Tu Taqabi Boode-kalah Saay Kee Salaamah Gaba Kalteh Tanim Qafar Rakaakayak Siyaasa Missoynaanih Malah Buxa Tiysixxige
Mala Buxa Dooro Gexsit Maca Ceelak Sugem Wagsiisak Mngaafa Ratteemaamih Maybalaalaqa Yeceen .
Gifta Canfaxe Qali Mirac Qafar Rakaakayak Siyaasa Missoynaanih Malah Buxah Koobaahiseey, Qafar Amo-baxxaqah Missoynak Naharsi Saqal Kinnuuk Iyyeemih Qafar Rakaakayih Caddol 15 Takke Siyaasa Missoynaani Qalalteh Tanim Ascassuuk Dooro Elle Faxxintannal Gaba Kalteh Tanim Kassiise .
Qafar Rakaakayak Siyaasa Missoynaanih Malah Buxak Ciggiila Koobaahiseey ARDUF Missoynak Ciggiila Saqalah yan Gifta Macammad Awwal Wagris Qafar Rakaakayih Caddol 1800 Daga Takke Dooro Fanteenaanil Tekkeh tan Dooro Saay kee Salaamay Kookacanul Gaba Kalteh Tanim Baxxaqise .
Gifta Macammad Dawuud Qafar Qadli Kee Ximokraasi Missoynak Naharsi Saqalaay Siyaasa Missoynaanih Malah Buxak Taama Selta Makaadoh Adoyta Kinnuuk Iyyeemih Mango Doorol Yengelem Takkay immay Tabisle Dooro Yubleh Aaxige Waam Ascassuuk Baxsa Luk Mangaafa Ratteemaamil Antifiquk Loonuh Yanin Hadaf Ummatta Fan Gufusaanah Yaysixxigeenimil Baxsa le Taama Tekkeh Tanim kee Dooroh Kaaduk Qadli Kee Qadaalatal Gexsitteh Tanim Yescesse .
Raceena:Afar Mass Media Agency
