Tigray rakaakayak Dumaahî prezidantiiy Itiyoopiyak Naharsí malaakak Afrikah gaysah Fayu abeenah yan Getachew Redda Tigray Rakaakay Miraacisak geytimta butta Generaal Guqush Gebret abteh tan Axaw kaxxam Yessecekkeeh sadeh yanim yescessen.
Generaal Tigray rakaakay kee Itiyoopiyah doolatih fanal carbi uguteh sugeh yan udduur Qaskariyyoh miraaciinul kaxxa doori Digirak yemeetem Yescesse.
Getachew Redda Generaal Guqush Gebre carbi udduur Qaskariyyoh caddol Digirak yemeeteh yan Doori baxxaaqiseh yan udduur Iyyeemih Woo saaku Tigray rakaakayih miraaciini kaxxaam boolaateh Sugem kee Carbi Niya argiquk Ahaysa Carbil gacneh naniimih taagah Mariiy Isí kabul fixiixam Tayse axcuk mabla xayyoosen udduur Generaal Guqush Isí kataysiis kee Qandek Raqteh sugtem kaaboosak Tigray Miraaciinuk Raqtem Itiyoopiyah qande Qiddaamak Kaxxam Maqar le Taama abak Tigray miraaciinu Finqak Cateh yan Agiruk Sugte axcuk yaabe.
Tigray Away miraacisak geytimta butta Generaal Guqush Gebre Qandê miraaciinuk Sanataak afal Kaa kaleenih sugeenim takkay immay Tigray Rakaakay xiinissah tan butta Kaa akah casbisnem Miraaciinuk Amri cine iyyaanam tekkek Usug gabat leeh mannah yan amri cine waqdiiy? Tonnaah Naqboytâ luk angaaraw luk suge Yaanam maca yaanamaay? Generaal Guqush Tigray Qande Addigille waytuuy, Fixiixe waytuh kaxxa macal abeh yanim Yescesse.
Tigray rakaakay Xiinissah tan butta Generaal Guqush Gebre Isih xiseh yan qandek Sanat gideh kaa diiriyeenih geytimaanam takkay Usxih kaxxaam kaak meysitak geytimaanam Yiysixxige.
Getachew redda Tatruseh yan farmal Casbit Gactam faxxiimak sugtem Tigray Rakaakay away xiinisak geytimta Garooqtih tan butta ikkal Agiirinnal Tigray Qande miraacisak yemeete Guqush Gebreh Casbit haanamak masuginnam qaddoose.
Tigray Rakaakayal away miraacisak geytimtah tan butta elle faxxannal gexe waytah tan exxaaxi casbisaanam Dubuh Guqush Gebret Aadiye waytam kee Fooca fanah mabla keenik Saddah tan Tigray xaylo casbiseloonum Yescesse.
