Baad Xaagu
Cizbullâ gaadile Tatureh yan March (Qado dirrih) alsah Israa-ilit Misaa-ilittê maysattakooki gexisseemik lakal Israa-il Qande lubnaanat Canê gacsi maysattakooki qimbisak lubnaan Fanti maacih Carbi Culteh sugtem kassinna.
Iraan miraaciini Dariifâ caddol ugutteh tan carbitte soolisoonuh Ameerikâ luk abak geytimaanah yanin Salaam sittin geyit Lubnaan edde culeleemih yaabak geytiman.
Takkay ikkah Israa-ilik Naharsi malaak Binjaamin Natanyaahoo kee Ameerikah Prezidanti Donald Trumpi abteh tan yaabal Israa-il Lubnaan kee Gersi dariifak teetit takkeh tan Maysattakookik koosittuh Cakkik lem qaddoosen.
Cizbullâ gaadileh Saqalah yan Naqiim Qhaasim Cuzbullâ baadal Taybullih tan Al-Manaaral Xayyoowak Tatruseh yan Farmol iyyeemih Iraan kee Ameerikah Fanal Yakkeh yan walalak ellecabol Sittin gey abeloonum qaddoose.
Cuzbulla kaadu Gurâ soolo takkuh abak geytimaanah yanin Sittin geyittet Lubnaan edde tanim diggoose.
Naqiim Qhaasim Tama farmo Tatruseh yanim Cizbullâ gaadile Faranji liggidih loowok sanat 2000 Israa-il Lowsiisit Sugeh yan Gabbi qaxih Lubnaanih dariifa Caylat Edde cabsiisseh tan Ayroh Qaffaydah Tatruseh yan farmo kinnim warsan.
Ameerikaa kee Iraan fanal Uguteh yan carbi inkih Fanti maacal Salaam darraqooseh geytimam kee Tonnaah Lubnaanak Cizbullaa kee Israa-il fanal tamaatuh Ameerikal 4haytoh addah Salaam walal gexuseloonu axcuk geytiman.
