Ameerikal Geytimtah tan Eretriyah Imbaasi The Conversation Diqsittah tan Majallat Itiyoopiyaa kee Eretriyah fanal yanih yan Kookaxaw wagsiisak Teyyeeqeh tan Sadi maybalaalaqal The Conversation diqsittah tan Majallat Qasa badih furdah caagid wagsiisak Eretriyaa kee Itiyoopiyah fanal yanih yan kookaxaw wagsiisak Teyyeeqeh tan oytitte Makot tan oytittey gitah ane waytam Qaddoossem kee Tama Majallat Addâ baxsaa kee Exxak Teenah Hawisak (Goorisak) geytimtah tan Majallat kinnim kee Tama majallat Siyaasak currih tan majallatay Dariifal tanih tan caalootah Mekeelisso abta akke waytam Tama msybalaalaqal Tiysixxigem kee Itiyoopiyah doolat Qasa badih Furda Geytuh Marin baaxot Caylah abtam faxxah tan buubok Tu axce waytem kaxxam saddah (Tesscekkeh) tanim Tiysixxige.
Ameerikal geytimtah tan Eretriyah Imbaasi Teyyeeqeh tan maybalaalaqak Lafa Ximmoomah tu gactek :
Itiyoopiyah doolat Qasa bad wagsiisak leh tan Essero Maqar saddem kee Itiyoopiyah doolat Moddaqiino le baaxoh gubat raaqah yan Qasa bad Caylah beytuh abtah tan macalitte maqar luk saddem Tiysixxigem kee Itiyoopiyah doolat Abtam faxxam baad madqaay Galli maroh eglah sittin gey (Charteer) kee Afrikah Inkittiinoh margaqooqi Saduh tan abto kinnim Tiysixxige.
Itiyoopiyah doolat Eretriyah madqaa kee moddaqiino assakaxxuk Qasa badat Tantifiqem Cine waytem Qaddoosak Itiyoopiyah doolat Eretriyah moddaqiinoo kee Qasa badih Furdat antifiqiyya sittak baxissam faxximtaah Eretriyah doolat Cinak geytimtam Itiyoopiyah Doolat Qasa bad Eretriyah Ikoytiinuu kee Moddaqiinok Ayyaaquk Qasa bad Isí Moddaqiinoh gacissam Oggole waytam Tama maybalaalaqal Qaddoosse.
Dariifah Saay kee Salaam darraqoosaanamak kaxxa cubbi faxxiimam Tiysixxigem kee Baad Madqa Yeexegen exxal abbinoosaanaah Exxak teenal abbinoosam duude waanam Afrikah gaysal Kaxxa sabhalal sinnim kataaselem Tiysixxige.
Qasa bad furda geyoonuh Baad madqa assakaxxuk Salaam gitaak Gorrisaanam faxximtam kee Duma Luk Sugnê maxhaxah marin baaxo Qaskariyyoh caylat yabbixeenim gita akke waytam kee Galli maroh eglah xaqul moddaqiino leh tan Faxe baaxooxah Inki bisle gurral Yassakaxxeenim faxximtam kee Faxe baaxoh moddaqiinot raqtah tan baaxo gersi baaxoh yaceenim gibbataanam gita akke waytam Tama Imbaasi Teyyeeqeh tan maybalaalaqal diggoosse.