Cuwaacat (TPFL) butta Tigray rakaakayak elle sugâ Xiinissoh dudda boolaasak Cayla maqarroosak Qusba carbit faktih Sirri walal kee kusaaq abak carbih bicsitak geytimtam qaddoosen.
Cuwaacat (TPLF) Parti dagoo ayroorak lakal qimbisseh tan addâ kusaaq Aksum magaalal Generaal Taddese Werredee kee Gersi Tigray rakaakayak elle sugâ xiinissok fayyo le miraaci elle geytimeh yan kaxxa muhimmik tan Daffeena gexiseenih yaniinim Timixxige.
Tigray rakaakayak awquk geytimtah tan oytitte elle tascassennal Duma Gifta Getachew Reddaa kee Generaal Sadkaan Gebretinsaa-e Tigray rakaakayak elle sugâ xiinissoh miraaciinuk akah Diiriyen innah Generaal Taddese werrede kee Kay Kaabine Reedak Diriyaanamih fayxi loonum kee Generaal Taddese werredeh butta kaadu Toh Oggole waytam warsan.
Tigray rakaakayal Kurriimiyyi ginniimek Tigray Rakaakayih adda dubuk hinnay Ilaa diyaspoorah adda fanah kurruumiyyi ginniimeleemih bohoy yanim Qaddoosen.
Tohuuk Ugutak Cuwaacat(TPLF ) Taddese werrede butta Inki Tanuuk Diiriyaanamak Generaal Taddese werredeh buttak abxa qusbuk xisaanam faxan Kaabineh adoytiit haak Taddese werrede boolaasaanamih Ikraaro loonum warsan.
Cuwaacat(TPLF) Butta Faderaal doolataay, Eretriyah doolat kee Tonnaah baxaabaxsa le Rakaakayittel angagayyuk geytimtah tan Gira le gaadulê luk leh tan angaaraw kee Fooca fanah taallem faxximtah tan Qaskariyyoh angagoyyitte baar luk kusaaqisseh tanim qaddoosen.
Cuwaacat butta Fooca fanah Federaal Xintô luk Qagiitaak carbit cultuh Macalak geytimtam warsan.
Cuwaacat butta Aksumul gexisseh tan daffeena Dariifal Qaskariyyoo kee Siyaasâ taqabitte elle gintam duddah tan caddo gufteh tanim Diggoosen.
