xaagu/Eretriya
Eretriyah Prezidanti Isayyaas Afeworki Tatruseh yan farmol elle Qaddoosennal Inki baaxoh Moddaqiinoo kee Curriyyat Kulli Waqdi Macal kee Fida meklaanam Faxsiissamaay, Eretriyah Moddaqiinoo kee Curriyyat Diggoosnuh Horaak Horal Tabtah tan Gicloo kee Taama abenno axcuk Eretriyah Maddaqiinoo kee Curriyyatah Tingiicilleh tan Eretriyah Ummattaa kee Qandeh Unkaqiinô farmo Tatruse.
Ereyriyah Prezidanti Baad kee Dariifâ caaloota wagsiisak Tatruseh yan Farmol Ameerikah Prezidanti Donald Trumpi Qagitaak Ameerikah Prezidanti akkuk Yuduureemih Baadak Maddur siirat (gexsit) kee Siyaasâ caaloota Darraqooseh yanim kee Donald Trumpih Xiinisso Baadah Tannah tan Taqabitte akah ginak geytimtam Ameerikah caddol ginnimteh tan Addaa kee Addah Taqabitteh sabab kinnim kee Tohum ceelalloh ugusem Ameerikal Magoh 40 Trilyoon Gufteh tanim Qaddoose.
Ameerikah Doolat Baxaabaxsa le baaxooxal Tatrussah tan Tatrussah tan Uma margaqooqii kee Katlâ xibixitte Yessecekkeh yanim kee Away Udduur Ameerikah Doolat Vanzuwellaa kee Iraanal Beyteh tan Maaqattooti Ameerikak Toomeh tan Siyaasak kaxxa ceelallo axcuk yaabe.
Tonnaah Ameerikah Doolat Iraan Kee Hormozut Abteh tan maysattakooki Istraateejî caddol kaxxa Hoxa kinnim kee Ameerikah Doolat Tohut Akah Cultem kaadu Kitah ane sinni cisaabitteey Diraab Oytittee kee Ane waynuk Tan Mekeelissoosaak ugutak abteh tan carbi kinnuuk Tama carbi baadal kaxxa taqabi kataasak geytimah yan carbi kinnim Yescesse.
Isayyaas Afeworki abeh yan yaabal iyyeemih baad amol dumaak Daffeeseenih yanin Qadaal sinni Gexsoosa Kalaanam faxximtam kee Awayih Qasril baadal Qadaalat kee Cakki Leh tan Gexsititte Tanim Faxxintaamat Yaabe.
Afrikah Gaysaa kee Qasa badih Amnih Taqabitte wagsiisak Isayyaas Afeworki abeh yan yaabal iyyeemih Soomaaliyaay, Itiyoopiyaa kee Gabbi qaxih Suudaanal Tanih tan Caaloota Afrikah gaysal kaxxa bohoy gintam duddah tan caaloota kinnim Qaddoose.
Isayyaas Afeworki ahaak dagal edde yaabeh yan 3 takke baaxooxak Taqabitte raceenaani axcuk Abeh yan baxxaqsal iyyeemih Tama baaxooxal tan taqabittek Ugutma (Sababitte) 4 takkem kee Tohum Keddaaminnul Takke booditteey, Doolat Xisoosah boolaa kee Umaadoobi Fixiixiyyaa kee Irô baaxooxah Gabâ culsa kinnim Tatruseh yan farmol baxxaqise.
Eretria/news
