Baad Xaagu
Ameerikaa kee Iraan Fanal Salaam Sittin gey yakkuh Xayí caddo gufeenih yaniinim Kee Salaam Sittin gey Yakku xiqsiissah tan Caaloota Aysuk tayseemih taagah Baadal Siragleleê limo Boolul 4% addah intem tanim kee Fooca fanah Siragleleê limo Oobak Oobeleemih Qaago tanim baxaabaxsa le xaagih raceenaani diggoossa.
Siragleleê limo addah akah Oobak Obtem Ameerikah Prezidanti Donald Trumpi abeh yan yaabal Kaxxa Istraateeji leeh baadak Siragleleek Boolul 27% akak Taturtah tan Hormoz badih tabeena Fakoonuh Iraan kee Ameerika Sittin gey aboonuh Xayyoowak geytimaana axcuk abe yaabaak gexxaamah Baadal Siragleleê limo addah axcuk geytimtam Qaddoosen.
Siragleleê limoh Caddol kaxxam meqe qaagoo kee niyâ maqaane tanim takkay immay Ameerika Hormoz gital hayteh tan waasoo kee Iraan Qande Baad maraakibit Beytah tan maaqattootiik gexxaamah Baadal maca akkelê bohoy yanim warsan.
Royters Xaagih raceena Elle Qaddoossannal Ameerikaa kee Iraan fanal Xayi udduurah takkeh tan walalittel Salaam sittin gey fanah beytah tan Caaloota Aysuk taysem Takkay immay Lafa le namma Caagiida Tahay dumah Calli geekkah tanim Qaddoosen.
Madduur Caagiidah Tu taaxago abtah tan mekeelissol elle qaddoosan innal Ameerikaa kee Iraan fanal Sarrimaane le Salaam Sittin gey aban way Siragleleê caagiida Carbiik dumal elle Sugtennal Taduuruh Mango waktitte beelem qaddooseenim kee Tohum Sabab Rakiibô daddoositteh fanteenaani finqitteh geytimtamaay, Iraan badat Togoqeh tan bakaqta Bombitte yayyaaqeenim taamaay,Amni bohoyitteey, Baddi Transportih ayfaafitte Taceeh tan Shirkatitte Hormoz Dariifal Qaduuk Taama qimbisaanamih Caddol mango adafitte (Gexe kalit) anelem Diggoosen.
Awayih udduur Siragleleê limo addah intem baad away edde culeh yan Madduur kee Siyaasâ taqabittek yawquh kaxxa Saami kinnim kee Baxsa luk Fanti maacal Saay kee Sabhalal yemeetek Baadak Tellemmô gitittel sugteh tan taqabitte kateleemih taagah Kinnimteh sugteh tan Taqabitte Sahhalooweleemih Qaago tanim warsan.
