Tigray Xaagu
Tigrayak Cuwaacat (TPLF) Parti Teyyeeqeh tan Maybalaalaqal elle Qaddoossenal Cuwaacat (TPLF) missoyna awayih udduur leh tan Lafa le Taqabitteey Parti leh tan Qaku le gambii kee Coocaay, Tonnaah TPLF Fooca fanah Abtam faxxah tan maqar le Gicloh Afkanitte Daffeesak maqar le Kusaaq gexissem Tiysixxige.
Cuwaacatak Fanti makaado Ummattah Nagay aniina Diggoosoonuuy, Duffumteh tan Tigray xaylo le Dabqa fanah gacisoonuu kee Tigray Maddaqiino Dacrisoonuh takkeh tan Giclo maqarroosak bisoh Hoonuh margaqooqi Tatrussem TPLF Teyyeeqeh tan maybalaalaqal Diggoosse.
Tigrayak Cuwaacat (TPLF) Parti Gexisseh tan adda Xer Kusaaqal Partik addal Sugteh tan mablaa kee Gexsit taqabittee kee Coocitte Maqar luk Kusaaqisseh tanim Tiysixxigem kee Partih Edde xintaak ugutak TPLF Missoynak Inki inki Fayyo le Caddoh miraaciinul Maqar le Adbisiyyi maaqatta beyteh tanim Tiysixxige.
Tohuuk Ugutak TPLF Partik 2 Takke Taama Selta makaadoh adoytiit kee Inki Fanti Makaadoh adaytal Qilsih tan Maabitina Yeceenim kee Kalah Fanti makaadoh Adoytiitik Fanti makaadoh adoytinnuk Ayyaaquk Giclô booxa fanah Akah gexan innih margaqa elle Tatruseenih yanin Adoytiit Tanim Yescessen.
Cuwaacat (TPLF) Parti Tamannah tan margaqa akah Tateussem TPLF missiynah addal Inkittiino dacrisoonuu kee Miraaciinu Dudda maqarroosoonuh beenih yanin Siyaasâ maaqatta kinnim TPLF Missoyna Teyyeeqeh tan maybalaalaqal Diggoosse.
Tama maybalaalaqak ellecabol Cuwaacat Missoyna elle qaddoossennal Fanti makaado Tigray rakaakayak Elle sugâ Xiinissok Kaabineh adoytiit kee Rasittê xiinissoosah Rakissoosa wagsiisak Fidin walal gexseenim Tiysixxigem kee Tigray rakaakayal Qusba Kaabine Xisoonuu kee Miraaciinu milaagaanamih fayxi loonum kee Kaabinê milaagih taama gexissu waytam Tigrayal Qusbih taama fanah temeeteh tan Malah buxa kinnim Qaddoose.
