Baad Xaagu
Ameerikah Doolat Iraan MQ-1 Deqsitah yan Diroon Iraan maadu akke sinni Baad Caddoh badal Yok qidde Axcuk Iraanal Baatil Hayteek lakal Taturteh tan Namma Ayoorah Iraanak Qaskariyyoh Fanteenaanit Maysattaka Gexisseh tanim Tiysixxige.
Iraanah doolatah Tu Gactek Ameerika Gexisseh tan maysattakah Faxxiima Canê gacsa abtuh Fanti Maacak Ameerikah Qaran Tayyaarâ booxaaxit maysattaka gexisseh tanim Qaddoossem kee Ameerikaa kee Iraan fanal Girâ soolo takkuh Walal akkuk geytimah yan Udduur Tannah yan Tan maysattakooki Tekkem namma exxah fanal Carbi Qusbaddah Ugutaamak Dariifal kaxxa bohoy Yekkeh yanim warsan.
Ameerikah qande Fanti Macaxi (CENTCOM) Yeyyeeqeh yan maybalaalaqal Ameerikah Qande Iraanak Qaran koositih Siiratittey, Diroonittê fanteenaanii kee Lowsiis fanteenaanii kee Tonnaah 2 takke maysattaka Diroonittet maysattaka abeh yanim Yiysixxige.
Ameerikah Qande Fanti macaxih (CENTCOM) maybalaalaqa elle Diggoossannal Ameerikah Qande maqar luk maysattakooki edde gexissem Goruk kee Qeshim Deqsittah tan Baddi addal tan Gadirittel Sugteh tan Raadaar kee Diroonittê lowsiisih fanteenaanit maysattaka tekkeh tanim Yescessen.
Iraanak Uguugumiini dacayrih qande (IRGC) Elle qaddoossennal Ameerika Gexisseh tan maysattakaak ugutak Ameerika Fanti maacal leh tan Qaskariyyoh fanteenaanit Canê gacsi maysattakookih maaqatta beyteh tanim Tiysixxige.
Fanti maacih Xaagih raceenaani elle qaddoossennal Iraan Kuweetil Gexisseh tan maysattakat Kuweet Misaa-ilittee kee Diroon Kalalih Silaacitte Tamsiisseh tanim takkay immay Taham fanah Sahdaytul Toofeh Qawwalayla ane waytam Qaddoosen.
Ameerikaa kee Iraan Awayih Udduur Sittat abak geytimaanah yanin Maysattakooki Isinni Koositoonuh (Kalaloonuh) abak geytimaanah yanin maaqattooti kinniimit Yaabak geytiman.
Ameerikaa kee Iraan Fanal Akkuk sugeh yan Carbil Girâ soolô sittin gey abeenih yaniinim takkay immay Away Qusbaddah Sitta abak geytimaanah yanin maysattakooki Carbi Qusbaddah Uguseleemih bohoy yanim warsan.
