Tigray Rakaakayih malah buxa gexisseh tan Sissik koboxul Baxaabaxsa le Ajendaadil Malisseh tanim kee Tigray rakaakayak Doolat maktabitteh waggsiisak Qusba Kukta Faaticiseenim Tigray Baadal Taybullih Oyti Yascasse.
Tigray rakaakayak Qusbi Taama fanah Tuduureh tan Malah buxa Gexisseh tan Koboxul Tigray Rakaakayak Qusba Biiroorâ saqoltih reeda faaticissem kee Qusbih Reeddeh tan Maktabittê Saqolti boolul 70% Cuwaacat (TPLF) missoynah yeceenim kee Tigray rakaakayak Sadi missoynaanii kee Tu taaxagoh boolul 30% yeceenih Yiysixxigen.
Tigray Rakaakayih Malah buxa Tigray rakaakayak Inkih tan Rasitteh Xiinissoh miraaciinih Reeda Kusaaqisak Faaticisseh tanim Qaddoosen.
Tigray rakaakayak Qusba malah buxa Tigray Rakaakayak Daga raqta Sangerrah cukmih buxah Prezidantii kee Ciggiila Prezidantih Reedal Walalak Faaticisseh tanim Tigray Xaagih raceenaani Diggoosa.
Tonnaah Tigray Rakaakayak Qusba Oodiiter kee Ciggiila Oodiiteriiy Tonnaah Ummattah angaarawih Ejensih Taama gexse reediseenim Tigray Baadal Taybullih Xaagih raceena Tiysixxige.
Tigray malah buxa Reedisseh tan Qusba kaabine Malâ buxah Foocal Xayyoosak Ken Xiibisaanamih Taddiira Gexseenim Qaddoosen..
