Itiyoopiyah xaagu
Cuwaacat (TPLF) Missoyna Teyyeeqeh tan Missoyna Itiyoopiyak Faderaal kee Tigray Rakaakayih fanal Namma Sanatah akkuk yemeeteh yan Carbi Soolisoonuh Gabbi Qaxih Afrikak Pritooriyal Salaam sittin gey abeenih sugeenim Takkay immay Itiyoopiyah doolat Too Sittin gey finqisak geytimtam Qaddoosse.
Cuwaacat Teyyeeqeh tan maybalaalaqal Awayih udduur Tigray rakaakayal kaxxam Uma caaloota tanim qaddoosak Itiyoopiyak Federaal Doolat Tigray Cuduuduh raqtah tan dariifal kaxxam mangoh tan Qande Daffeesseh tanim Tiysixxige.
Itiyoopiyah Doolat Tigray rakaakayak Siraglelee Waasseh geytimtaamaak ugutak Tigray rakaakayal Qidaddoh Angagoyyitte Inki Kabuuk Solteh geytimtam Diggoosse.
Tatureh yan carbiik gexxaamah Tigray addal Duffumteh tan Ummattah caaloota wagsiisak Cuwacat (TPLF) missoyna Elle Qaddoossennal Awayih Udduur Ayrô culmâ Tigray Lowsiisseh tan Butta Duffumteh tan Ummatta Le Dabqah Aduure waytuh macalak geytimtam qaddoosse.
Itiyoopiyal Saay kee Salaam Yamaatuuy, Tanih tan Siyaasâ taqabitte calli geytuh Kulli exxaaxi gaba edde Tassagalleh tan Walalitte takkem faxximtaamih Seeco Xayyoosse.
Awayih udduur Tigray Rakaakayal Bood fanah beytah tan Caaloota kaxxam Tanim takkay immay Cuwaacat Parti Caagiida Salaam gitaak calli geytuh kaxxa fayxi lem Tiysixxige.
Itiyoopiyah Away edde culteh tan Kaxxa Taqabittek tawquh Dubuh yan doorit walal kinnim qaddoosak Cuwaacat Missoyna Baad Missoynaani Miraacissah tan Siyaasâ gexsitittee kee walalittet Tangaluh gulguluh tanim Qaddoosse.
