Soomaaliya
Soomaaliyak Inaytâ magaala Mangdiishol akkuk sugeh yan carbiik gexxaamah Umattta Magdiishoh magaalak Duffuumak geytimtam kee Soomaaliyal Qusba gurral uguteh carbiik gexxaamah Dariifaa kee Baad Missoynaanil kaxxa bohoy ginteh geytimtam Yescessen.
Tatureh Yan Ayyaamah Soomaaliyah qande Dumaahî prezidanti Sheekh Shariif Sheekh Acmad kee Duma Soomaaliyak Naharsi malaakah Suge Casan Qali Khayreh Buxaaxih Dariifat Kaxxa maysattaka Gexisseemih taagah Doolatal Saduh Tangiicilleh Gira butta Soomaaliyah Qandet Gabâ gacsi maysattakooki abteh tanim Qaddoosen.
Soomaaliyak Dumaahî prezidanti Sheekh Shariif kee Soomaaliyak Duma Naharsi malaakah Suge Casan Qali Khayre Teyyeeqeh tan maybalaalaqal Away Soomaaliyah Prezidantih Yan Casan Sheekh Macmuud Miraacisah yan Qande Baatilih Maysattaka keenit abteh tanim Yiysixxigeenim kee Doolat Qande Faxe maysattaka keenit abtaamah Koosite loonum kee Magdiushok awqe waanam Diggoosen.
Sadi missoynaanih Soltih Sheekh Shsriif kee Casan Qali Khayri Baxaabaxsa le Xaagih raceenaanih elle baxxaaqisen innah Away Soomaaliyah Prezidanti Yan Casan Sheekh Macmuuduk Reedah udduur Gaba kaleemih taagah Soomaaliyal Dooro Takkeemih fayxi loonum kee Soomaaliyah Prezidanti Casan Sheekh Macmuud Sissikuk Reeda cabam faxximta axcuk Farmo Tatrusen.
The Gardian Xaagih raceena elle Qaddoossennql Soomaaaliyal away Uguteh yan Carbi Dubak kaxxa baxsa lem Away Uguteh yan Carbi kaxxam gibdim kee Tama booduh Sissik calli Geysiise weenik Soomaaliyal kaxxa qawwalaylaa kee Finqa kataaselem Tiysixxige.
Afrikah inkittiinoh eglaay IGAD missoynaa kee Galli maroh eglaa kee Tonnaah baad missoynaani Soomaaliyal carbi sittat abak geytimtah tan missoynaani Carbik isinni raaqisak Salaam gitaak walalaanam faxximtam Kassiisen.
