Eretriya kee Masri
Eretriah Prezidanti Isayyaas Afeworkii kee Masri Prezidantih yan Qabdulfattaac Al-Siisi Masrik Inaytâ magaala Al-Qhaahiral angoorowuk walaleeniik lakal Qasa badih Furdaadih dadlisiyyaay, baddi merraytih Caagiidaa kee Dariifah Amni wagittaamal Qusba Prograamitte Qimbisoonuh Sittin gey abeenih yaniinim Diggowte.
Eretriyah Prezidantii kee Masri Prezidanti Namma baaxoh angaaraw kee Qalla maqarroosoonuuy, Tonnaah Dariifaa kee Baad Caaloota wagittaamal Fidin walal gexiseenik lakal Marsoosâ caddol Rakiibô daddoosih taamoomi aboonuuy, Baddí merraytih Caagiidal Sittâ luk cattiimaak Taamitoonuuy, Baddi Gaddih caagiidal Sittâ luk abit taamoomi Diggoosoonuu kee baxaabaxsa le Istiraateejî langittel Sittâ luk Cattiimiyya diggoosoonuh Sittin gey abeenih yaniinim Yescessen.
Eretriyak Maysaxxagâ malaak Elle qaddoosennal Namma baaxoh miraaciini Eretriyaa kee Masri Fanal dumaak sugeh yan Kataysiinuu kee Qalla maqarroosoonuh Namma Baaxoh miraaciini Kaxxa fayxi leh yanim Diggoose.
Eretriyaa kee Masri fanal Dumaak Sugeh yan Madduuruuy, Siyaasaa kee Diplomaasî sittin geyitteek Ugutak Baddi Gaddaay, Marsoosak Rakiibô daddoosittee kee Baddí Merraytih langittel Qusab gurral sittâ luk taamiteloonum qaddoose.
Masrii kee Eretriya qasa badih Gitittel Geo-polotikah Anaakar kee qalayli kaxxam Osak geytimtam kee Afrikah Gaysaa kee Qasa Badih furdaadiiy, Qasa badih gititteh Amnil Sittâ luk cattiimak taamiteloonum Yescessen.
