Iraan kee Israa-il xaagu
Iraan Qandek Filiiqh Al-Qhudsih Caylak Saqalah yan Generaal Ismaaqiil Qhaa-ani abeh yan yaabal elle Qaddoosennal Iraanâ cattiimak Israa-ilit Carbi abak geytimtah tan Caylitte Qasa badaay, Baabul Mandab kee Hormoz gitittel Qusba Amni Gexsititte Qimbiselem kee Tonnaah Fanti Maacih badih gitittel Qusba Istiraateejii kee Gexsititte Qimbiseloonum Yiysixxigem kee Baabul mandabaay, Qasa bad Kee Hormoz Tabeenah gititte Sittat fantaaxaw akah Taallennah Taamiteloonum Diggoose.
Iraan Doolatih xaagih raceena (IRNA) Kimaalih Ayro Generaal Ismaaqiil Qhaa-ani Tatruse farmo axcuk Elle Tiysixxigennal Iraan Qasa badaay, Baabul mandab kee Hormoz gititteh Amnih Caagiida lowsiissaamih Taamoomi abelem Yiysixxigem qaddoosen.
Iraan Goorih Fanti Maacal Koosit taamoomi Gexisak Geytimtah tan Gaadile axcih Yamanak Cuutî gaadileey, Lubnaanak Cizbullâ gaadulee kee Kalah tan Dariifal angagayyuk geytimtah tan Gaadileela Khaliij Qarab dariifaay, Qasa badaak Baad Qadaagah fanah tasgooroweh tan baddí gititteh Amnih Caagiidal kaxxa doori Digireloonum Yiysixxigem Yescessen.
Iraan doolatih raceenaani elle Tiysixxigennal Iraan Qasa badaay, Baabul Mandab kee Hormoz Badih tabeenal Baxsa le Amni Caaloota Daffeesak Qusba Amni dacayrih gexsititte Qimbiseloonum kee Tama gititte Baad Madduur kee Siragleleek mukuucuh Tan Gititte kinnim Yiysixxigen.
Taturteh tan namma Ayroorah Yamanak Cuutî gaadule Teyyeeqeh tan maybalaalaqal Qasa Badih gitaak Israa-il Maraabik akah Tature waytannah Abeloonum kee Iraan kee Israa-il fanih carbi Soole week Cuutî gaadile Qasa badih Gita Baad maraakibik Alfele axcuk baad caddol kaxxa bohoy ginniimeh geytimam warsan.
