Qafár rakaakaya
Qafár Agatih Rakaakayih Doolatak Kilbatti Rasih Xintok Baraclê Daqaarak Calle gubbi Awdah Darifak Afqadoo kee Qeeli Garab Dariifal Amixxige sini Gira qawalayla uguute. Tama Gira waysuk 03, 2018 Loqo 6:20 saaqatih uddura ugutteh tanim Daqaar miraacanu kee Daarifah ayyunti Qaddose. Qawwalayla elle tekkeh tan innal, dariifah ayyunta kee Daqaar miraaciini ittâ luk Cattimak Girâ Kalalu Abak geytiman.
Taham Fanah Seehadayti Qawwadi, saqaa kee, Uwwaytitil kattasee taqabi Anewaam Takkay Ikkah, Gira Lowsiisoonuh Gibdih tanim Qaddoosen. Kaxxa Garboy Baddumuk tanim kinnuuk , niqnaa kee kafin hawaa kee Qaaleela le ardi kinnuuk gira bargusah yan mara kee kalaali Makaayin Giti arac alleewamak Amakkaquk gira kaxxa taqabi kataasak geytima. too gexkalitiik gexaak gibdih tan gira gersi dariifal baarimekaloonuh Taamitak geytimaanam Tama biiro Teyyeeqeh tan maybalaalaqal diggoosse.
Toofeh tan girâ qawalayla Sahlissonuh Baraclê daqaarih Ayyunti dibuuk Gira Lowsiisoonu xiqeewanamih Taagah, Cuggaaneh tan Daqooritik axcih, Konnaba, Abqaala, Erebti, Wasama, Kee Afdera Tonnah Kalah Tan Rakaakayih Ayyuntih Exxaaxi, Qawwalayla Kalaloonuh Sitta Lih Taamitaanam Kee Koobaahiselon Axcuk Qambaalan.
Qawwalayla Lowsiisoonuh Fantaxxaw Macal Kee Sahdayti Gaddih Qokol Uxih Faxxiimaamih Taagah Kulli Missoynaani Qaaqa Luk Akah Taamitan Innah Seeco Tatrusna.
Ossotinah, dariifal kaxxa liqna taniimih taagah, garboh addal tan ginoh cokró gira uguugusam duudaamih taagah kaxxa cubbi faxxiimam kee Baxsaluk diidaale aydorrih abtoota gira katassam duddaamih taagah buqre aba kee dacarsittoh xiina girat tantifiqen wak cubbi akah abitan innah maqarluk sinni Dacrisaanam Faxxintam kassiisse.
Raceena: Afar Mass Media Agency
