Tigray rakaakay kee Itiyoopiya
Tigray rakaakayih Prezidantih maktabak Tewqeh tan Oytitte elle qaddoossannal Afrikah Inkittiinoh Eglak Baxsa le farmoytah yan Olisijoon Obasango Miraacisah yan Erga Asaakih Ayro axcih June alsak 11/2026 Mekelê magaalat Taama Gufne abteh tanim kee Tigray Rakaakayih miraaciinû luk Walal gexuseloonu axcuk Qamabaalaanam ascassuk Tama Erga Tigray Rakaakayih doolat Itiyoopiyak Federaal Doolatâ luk Qusba Carbi Akah Cule waytannaa kee Pritooriyah Sittin gey elle abinoosaanam duudan Gitittel Walaleloonu axcuk Qambaalan.
Afrikah Inkittiinoh Ergaa kee Tigray rakaakayih miraaciinih fanal Dariifal tanih tan Siyaasaa kee Amni caalootal Walalak Tigray Rakaakay kee Itiyoopiyah doolatih fanal Carbi akah Qagite waannah fidin walal Gexiseloonum Yescessen.
Olisijoon Obasango Miraacisah yan Afrikah Inkittiino Erga Tigray rakaakayat Taamâ gufne abak geytimtah tanim Tigray rakaakayal addaa kee Addah Gurruumak Umah tan Siyaasâ caaloota edde ginnimteeh tonnaah Itiyoopiyah Baxaabaxsa le Rakaakayittel ginnimteh tan Siyaasâ taqabitteek gexxaamah Booduuy boq kee balluq yanih yan Udduur kinnim Qaddoosen.
Olisijoon Obasango Miraacisah yan Afrikah Inkittiinoh Erga Tigray rakaakay kee Itiyoopiyak Federaal doolatih fanal Sanat 2022 Yekkeh yan Salaam sittin geyiy Namma exxah fanal akkuk Sugeh yan Carbi Soolise Akah Abbinoosan innah macaleloonum Yescessen.
Afrikah Inkittiinoh Erga Tigray rakaakayat Taamâ Gufne akah abteh tan Itiyoopiyak Faderaal Doolat Kee Tigray rakaakayal Qusba gurral Qagitaak Carbit Culoonuh Namma exxa Gulgulusso abak geytimtah tan udduur kinnim Warsan.
June alsak 6 Tigray rakaakayak Eretriyah Maadut raqtah tan Gamhaaloh dariifat Itiyoopiyak Qaran Qande Diroonut maysattakooki gexisseemiik ugutak Tigray rakaakay kee Itiyoopiyah fanal kaxxa Umah caaloota tanim Yascassen.
Itiyoopiyah doolat Tigray rakaakayak Shiraarok Gamhaaloh dariifat maysattaka akah abtem Tigray rakaakayih Qande Sudaan fanah Culak sugteemih taagah abte maysattaka kinnim baxaabaxsa le xaagih raceenaani Tiysixxige.
Dariifaa kee Baad missoynaani Tigray rakaakay kee Itiyoopiyak faderaal doolatih fanal tanih tan caaloota wagsiisak Ayyaaquk geytimaanah yanin maybalaalaqal Tama dariifal Qagitaak Carbi Ugutek Ayrô mawqah afrikal kaxxa Qawwalaylaa kee Finqa kataaseemih taagah Tama carbi akke kalaanam faxximta axcuk Takkaawissô farmooma Tatrusak geytimaanam Warsan.
