Iraan
Iraan Hormoz badih Tabeena akah Aliftu duuddeemik Sabab Ameerilak Fanti Macaxi (CENTCOM) Iraanak Baxaabaxsa le Qaskariyyoh fanteenaanit abteh tan Maysattakah Saduh alifteh tanim Yescessen.
Royters kee Bilonbergih Xaagih raceenaani elle qaddoossenal Ameerikah Prezidanti Donald Trumpi Tatruteh tan Ayroora Iraan Qaskar Helikopter Hormoz dariifal nek Qidde axcuk Iraanat Maysattaka akah takkennah Amri Tatruseh yanim Qaddoosen.
Donald Trumpi abeh yan yaabal iyyeemih Iraan Sittin gey walal makkook udurruusak geytimtam qaddoosak Iraan Sissiguk Salaam sittin abe waytek Iraan Rakiibô daddoosih Fanteenaanii kee Xisoosat Maysattakooki abenno axcuk Iraanah maabitnâ farmo Ruubeh yanim warsan.
Donald Trumpik Maabitinâ farmol Gacsa abteh tanim Iraanak Khaatamul Ambiyah Fanteena kinnim kee Tama Fanteenak maxco gabbaaqe elle qaddoosennal Baadak Siragleleê gitah yan Hormoz badih gita Baad maraakibik Inki kabuuk Alifeenih yaniinim Yiysixxige.
Iraan Qande Hormoz Badih tabeenak Taturtuh gabbatu abtu waytah tan Hebeltô maraakibit Faxximta maaqattooti Beelem Tiysixxige.
Al-Jaziirah Xaagih raceena elle Qaddoossennal Iraan Miraaciini Ameerika Gexisseh tan maysattakookih yeceeh yan Raddi Kinniim Diggoosse.
Iraan Tatruteh tan Ayroora Ameerika Gexisseh tan Maysattakookih Canê gacsah Bacreeniiy, Kuweet kee Jurdaanal Geytimtah tan Ameerikak Qaskariyyoh fanteenaanit Diroonittee kee Misaa-ilittê maysattakooki gexisseh tanim Tamixxige
Royteris Xaagih Raceena Elle Qaddoossennal Iraan Hormoz gita Aliftem Tiysixxigeemik dagoo Saaqootah addat Siragleleê Qadaagah limo Kaxxa Osseh tanim qaddoosse.
