Masrii kee Ereriya
Masrii kee Ereyriyah Ergah fanal Taturteh tan Sidiica Ayro Gexisak sugeenih yanin walalaak lakal Masri Doolat Teyyeeqeh tan maybalaalaqal elle Tiysixxigennal Masrii kee Eretriyah miraaciinih fanal Akkuk Sugeh yan walal elle Kulsuk sugem Dariifâ saay kee Sabhalaalaay, Baddí Amnih Caagiidaa kee Qasa badih Dariifah Xiinissol Loonuh yanin Istiraateejî sittâ luk abit kee Sittâ luk cattiimiyya maqarroosoonuh Fooca Fanal Diggoosak taamiteloonum Yiysixxigen.
Masrik Irô caagiidah malaakah yan Badri qabdulqaatii kee Eretriyak Irô caagiidah malaak Qusmaan Saalic Masrik inaytâ magaalal gexiseenih yanin walalak lakal Masrik Irô caagiidah malaak yeyyeeqeh yan maybalaalaqal Namma baaxok Irô caagiidah malokti Suudaan kee Soomaaliya edde anuk Afrikah Gaysal tanih tan wakti Caaloota wagsiisak fidinuk walaleenim Diggoose.
Masri Doolat Sudaanak Generaal Qabdulfattaac Al-Burhaan Miraacisah yan Sudaanak Kalalí qandee kee Soomaaliyak Federaal Doolatah Qaskariyyoh Qokolitte abak geytimtam Baxaabaxsa le Xaagih raceenaani Qaddoosak geytimta.
Eretriyaa kee Masrik Irô caagiidah fanal yekkeh yan walalal Masrik Irô caagiidah malaak Dr Badri Qabdul Qaati Elle qaddoosennal Masri doolat Afrikah Gaysah Amnii kee Sabhalaalal diggoowan Masri Agat Amni Exxak teena kinnim kee Afrikah Gaysal Amniiy Saay kee Sabhalaal Maqarroowak yemeetek Masrik Agat Amni maqarroowak amaateleemih mabla lem diggoose.
Afrikah geysah baaxooxah Agat Xisoosa Dacrisaanaah Qokolaanam kee Tonnaah agat inkittiinoo kee Middaqiino dacrisaanam Kaxxam Muhimmik tanim Yiysixxige.
Eretriyaa kee Masrik Urô caagiidah malooktih fanal Afrikah Gaysaa kee Qasa badih dariifah Amni wagsiisak walal gexseenih yaniinim Eretriyah Prezidanti Isayyaas Afeworki Miraacisah Yan Eretriyak Fayyo le Miraaciinih Erga Masrit Sidiica Ayroh Taamâ gufne abteh tan udduur Kinnim Qaddoose.
Masri prezidantih Yan Qabdul Fattaac Al-Siisii kee Eretriyah Prezidantih yan Isayyaas Afeworki Taturteh tan namma Ayroorah addah Dariifak Amni Caalootaay Qasa badih Amnih dacayrii kee Baad Caaloota Wagsiisak Walaleeniik lakal baxaabaxsa le Caagiidal Sittâ luk cattiimak Taamitoonuh Sittin gey abeenih yaniinim Kassinna!
