Israa-il kee Soomaalilandi
Israa-il Doolat Itiyoopiyaa kee Afrikah baaxooxah Samad leh tan Israa-il Qande Soomaalilandi Fanah rubteh tanim Soomaaliyak Fayyo le caddoh miraacak gryne Oyta axcuk Middle East Eye Deqsittah tan Xaagih raceena Qaddoosse.
Middle East Eye Xaagih raceena elle qaddoossennal Soomaaliyak Fayyo le miraac Tama Xaagih raceenah elle qaddoosennal Israa-il doolat Sanat 2025 December alsah Soomaalilandih Doolatiini mamaaxaga teceemik dagoo Ayroorak lakal 50 daga takjeh tan tan Israa-il Qandeh adoytiit Soomaalilandi Fanah rubteh tanim Yiysixxige.
Israa-il qande Soomaalilandi fanah rubteh tanim Itiyoopiyaa kee Afrikah Samad leh tan qande Baxsa le gurral baxisak rubteh tanim qaddoosak Afrikah Samad le Qande baxisak Soomaalilandi fanah akah rubteemik Sabab Tama Qande Dariifah Ayyunti Ken Aaxigekkah Dariifah Ayyunta Ceelak Taamitoonuu kee Yangagayyoonu kinnim qaddoosen.
Baxaabaxsa le Xaagih raceenaani Tama caagidih baxxaqsah Israa-il Qandel Hayteh tan Esserooral Israa-il Qande Mabla elle teaceem cinteh tanim Qaddooseenim kee Tonnaah Xaagi Qawa Soomaalilandih Miraaciinul hayteh tan Esserol Soomaalilandih miraaciini raddi Elle aceeweem Yescessen.
Tannah Tan Oytitte Awquk geytimtam Soomaalilandii kee Israa-il Fanal Amni Caddol Sittâ luk cattiimak Taamitoonuh sittin gey abak geytimaanah yanin Udduur Kinnim Timixxige.
Tatureh yan Ayyaamah Israa-ilik Kalali qandeh malaakah yan Israa-il Kasti Soomaalilandih Prezidantih yan Qabdurracmaan Macammad Qabdullaahî luk angoorowuk Namma baaxo Sirrin mango waktih sittâ luk cattiimak yemeeteenih yaniinim Yiysixxigen.
Xayi Udduuruuk Annal Israa-il doolat Soomaalilandil Qaskariyyoh fanteenaani lem bictah intah tan mablooli awquk geytimtam kee Soomaalilandik Kalali qande Malaak Macammad Yuusuf Israa-il Doolat Soomaalilandih Qaskariyyoh fanteenaani Aalle waytam Yiysixxige.
