Iraan
Iraanak Ameerikâ luk walal gexisak geytimtah tan Ergah Saqalaay, Iraan Parlamak Saqalah yan Macammad Gaalibaaf elle qaddoosennal Hormoz gitih Xiinissoo kee Lowsiis Iraan Gubat gacelem Yiysixxige.
Ameerikaa kee Iraan Hormoz giti fakiyya wagittaamal walal gexseenih yaniinim kee Ameerikaa kee Iraan Doolat Hormiz gita wagsiisak Angoorowuk akah taamitan innah sittin gey abeenih yaniinim Qaddoosen.
Hirmiz gita wagsiisak Iraan kee Ameerika Sittin gey abteemiiy akkeh 24 Takke baad maraakib Hormoz gitaak Taturteh tanim Baxaabaxsa le xaagih raceenaani qaddoosak geytimta.
Iraan Parlamah Saqalah Yan Macammad Gaalibaaf Hormoz giti Ameerika Carbi Qimbissaamak Dumal elle sugennal aduurele axcuk Iraan xaagih raceenaanih Qaddoosem warsan.
Baad madqaak ugutak Hormoz gitih Xiinissoo kee Lowsiis Iraan abelem Swizerlandil akkuk sugeh yan Walal kaxxam meqe xaloot geysiiseh yanim Yiysixxige.
Hormoz gitaay, Lubnaan caagiidaay Iraanal gacteh sugteh tan Siragleleê katla xibix kee Iraanak baad baaxooxal teetik abbixuk sugen Lakqo cabaanamih caddol kaxxam meqe xaloot geysiisne iyyem kee Walal caddol Mangoh tan taama nek Raqteh geytimta axcuk yaabem warsan.
Tahaak wadirih Hormoz Badih tabeenah caagiida Iraan kee Ameerikak bood sabab akke waytam takkay immay baad uxih tama gitak bohoy lem warsan
