Ameerikah Imbaasi
Itiyoopiyak Addis ababal Geytimtah tan Ameerikah Imaasi(Safaarat) Teyyeeqeh tan maybalaalaqal elle qqaddoossennal Tigray rakaakayal Awayih udduur Tanih tan Siyaasaa kee banaadamiinô caaloota Kusaaqisak kaxxa Hangi akah ucuyya hayteh kattaatak geytimtam kee Siyaasah exxaaxii kee Ayyuntiinô miraaciini Inkih Gaba edde yassagalleh yan Siyaasâ walal yakkem faxximtam Qaddoosen.
Itiyoopiyah doolat kee Tigray Rakaakay Pritooriyal abeenih yanin Salaam Sittin gey Assakaxxuk Abbinoosaanam faxximtam kee Salaam Sittin geyit adaf akkuk geytimtah tan Exxaaxi Afrikah Inkittiinoh egla Salaam Wagsiisak Xayyoossah tan mablooli Oggolak Walal abaanam faxximta axcuk Ameerikah Imbaasi Sittin way fanal akak yan exxaaxih Seeco Xayyoosse.
Ameerikah Imbaasi Teyyeeqeh tan maybalaalaqal elle diggoossennal Ameerikah Doolat Carbit biyaakitteh tan Ummattah Rooci wadu takkeh tan Banaadamiinô qokolitte Xayyoosuh macalelem kee Carbit Biyaakitteh tan Ummatta Dubuh Sissik maaqiddi Qokolul Qekittaamak Maaqiddi Caabi Isik akah diggoossannah Faxximta macalitte abelem Tiysixxige.
Ameerikah Imbaasi elle Tescessennal Dariifâ miraaciinuu kee Banaadamiinô qokolitte xayyoossah tan baad Missoynaanî luk Cattiimak Taamitelem kee Addis ababal geytimtah tan Ameerikah Imbaasih miraaciini Tigray rakaakayat Taamâ Gufne abelem Diggoosse.
Addis ababal geytimtah tan Ameerikah Imbaasi miraaciini Taturteh tan Ayroorah Mekelê magaalat Taamâ gufne abak abaanamih Ikraaro luk Sugeenim takkay immay Amixxige waah yan Sababah Mekelê Safar Gersi udduurut Cabeenimih Oytitte Awquk Sugtem kassiissa.
