Eretriyaa kee Itiyoopiya
Itiyoopiyak Kalali qandeh Saqalah yan Field Marshaal Birhaanu Juula 118 Heele Kalali Qandeh Ayroh Qaffaydal abeh yan yaabal iyyeemih Itiyoopiyah Ummattah Ixxima(loowo) Away 130 Milyoon Gufeh geytima Yamaateh yan 25 Sanatih addat kaadu Itiyoopiyah Ummattah Ixxima 200 Milyoon Gufelem kinnuuk 2 milyoon Takkeh tan Eretriyah ummattah Tuxxiiqih 200 milyoon Takkem Tan ummattah Tuxxiiq mannah alfimam duudaah Tah Qadaalatak yan gexsit hinnaay, Baad madqal tanim hinnaay Sabab akak yaaxigen Caagid Hinna axcuk yaabem Yescessen.
Itiyoopiyak Naharsi malaak Dr Abiyyi Acmadak Ayrô mawqah afrikah Caagiidah Fayu abeenah yan Getachew Redda Eretriyah Ummattah Ixxima wagsiisak baxaabaxsa le mablooli Xayyooseh yanim Qaddoosen.
June alsak 25/2026 Gexseenih yanin Kalali Qandeh Kolleejik Agat amnih Koboxul Getachew Redda abeh yan yaabal iyyeemih Eretriyah ummatta 3 milyoon takkeeh iyyan, Kaxxam digga le raceenaani tayyaaqeh tan Oytittel Eretriyah ummattah Ixxima 1.9 Milyoonuk Daga takke Ummatta Aalle waytam qaddoosak geytimaanam kee Awroppal Geytimtah tan Inkih tan Afrikah baaxooxah Dabboh xiinak Eretriyah Dabboh Xiina 30% takkeh tanim Yescesse.
Eretriyak Karan Magaalal taniimik muxxi Kambaalah addal geytimtah tan Eretriyah xaylo kaxxam mangom qaddoosak Eretriyah Is duudda baaxo akkuk Bisoh intaamih Kaxxam addah teetik gacak Eretriyah ummattah ixximah caddol kaxxa bohoy kee Qawwalaylah addat Culteh tanim Qaddoose.
Awayih udduur Eretriyah addal raqteh tanim dubuh Idoola kinnim qaddoosak Eretriyak Dimigraafî caddol Kinnaanê qawwalaylat Culteh tanim Diggoose.
Eretriyak Ummattah Ixxiga Udduuruuk udduur addah axcuk Geytimam kee Eretriya Is Dudda doolat akkuk bisoh intam Esseroh addat Culteh tanim kee Eretriyal Ummattah Ixxima Kaxxa qawwalaylat Culteh geytimtam kassiise.
Eretriyah Doolat doolatiinih Xisneh gexsit elle soolam Itiyoopiya Aggiluk Itiyoopiya boolaasaanamih Ikraaroo kee Istiraateejil Sooltam Qaddoose.
Itiyoopiyah doolat Qasa badih Furda (marso) geytuh abtah tan macalitte Dariifâ baaxooxâ luk fantaaxaw ginaanam kee Agat Amnih Dacayrik Rakiibô taama kinnim Yescesse.
Leedâ parti temeeteemih Dirkih hinnay Ummattaa kee Siyaasâ missoynaani fayxiik ugutak Tekkeh tan Siyaasah Inkittiino kinnim Qaddoose.
Ereyriyah Doolat Itiyoopiyah Doolatah Qasab Furda(Marso) Teceem Cinak geytimtam qaddoosak Eretriyah Prezidantih yan Isayyaas Afeworki Qasab Furda wagsiisak abeh yan yaabal Djiboutî doolat Itiyoopiyah tellemmoh Ayfaafitte Acayuk geytimtam kassiisak Eretriyah doolat Djiboutî luk Qalaltuh(anaakartuh)Qasab Furda Itiyoopiyah Mataca axcuk Yaabeh yanim Getachew Redda abeh yan yaabal kassiisse.
