Baadak Qadli missoyna
Baadak Tengele Madqâ missoynaani Baadak Baatil Kalalih Cokmih Buxak Garkurê maktab Xayyoosseh tan Wayto (Weeqal) Suudaanal akkuk geytimah yan addaa kee addah carbit dariifaa kee baad baaxooxa abak geytimtah tan gabâ culsaa kee Qaskariyyoh caddol xayyoosak geytiman Qokolitte Wagsiisak Kusaaq yakkem faxximta Axcuk Seeco Xayyoosse.
Baxaabaxsa le Xaagih raceenaani elle qaddoossannal Imaaraat Doolataay, Itiyoopiyaay Liibiyaay, Soomaaliyaay, Keeniyaa kee Uganda Sudaanal Akkuk geytimah yan addaa kee addah carbit Gabâ culsa loonumih Oytitte Ayyaaquk geytimta.
Baadak Qadli maktabal xayyooseenih yanin waytol elle qaddoosen innal Iraanaay Turkiyaa kee Masri doolat Sudaanak Kalali Qande Qaskariyyoo kee Maaliyyal Qokolak geytimaanam Yescessen.
Sumaaqah Xayyooseenih yanim Oytitte elle Yescessen innal Imaaraatak Gexxah tan Silaacitte Chaadaak Libiyaa kee Itiyoopiyak adda gacak Sissik Qokolih Qande fanah gufusak geytimaanam Yescessen.
Baadak Baatil Kalalih Cokmih Buxak Garkurê maktab Xayyoosseh tan Wayto (Weeqal) sanat 2023 xabba haanam Darfuur dariifal tekkeh tan Samad baysi maysattakooki Fukkaaqak geytimaanam Yescesse.
Suudaan miraaciini Qagaaqagisak yayyaaqeh yan maybalaalaqal Imaaraat kee Itiyoopiyah Sissik Qokolih qandeh Qaskariyyoh Qokolitte Abak geytimaana axcuk yaabak geytimaanam Tamixxige baxsa luk Itiyoopiyak Binshangul Gumzik Asoosâ magaalah dariifal Baxaabaxsa le Qokolitte abak geytimaanam Qaddoosen.
Tonnaah Imaaraat Doolat Saanih Yan gitaak Suudaanak Sissik Qokolih qandeh Maaliyaa kee Silaacittê qokolitte maqar luk abak geytimtam Yescessen.
