Tigray Rakaakaya
Simret Partik Adoytah yan Professor Kindayya Gebrehiwot Ayyuntiinô ratteemak Twitter (X) Golil Tatruseh yan Farmol elle qaddoosennal Tigray rakaakayih addal Baadak Hirrigat (wadirit) Raqte Baatileenitih Tan butta Ereyriya akah abtannah Qunxaaneyta Dirkih Qaskariyyot Culusak geytimtam Yiysixxige.
Simret Missoynah adoytah yan Professer Kindayya Gebrehiwot Elle Qaddoosennal a namma Ayroorah Gabbi Qaxih Tigrayak Qaddi Guddem magaalal Tigray rakaakay Away Xiinissah tan butta Qunxaaneyta Dirkih Qaskariyyoh Beyak geytimtam qaddoosak Too dariifal Ugseenih yanin Fotoota Tatruseh yan Farmô luk Xakabul Ruubeh yanim Qaddoosen.
Tigray Qandek Foocitte Sarat Isik Alifteh tan Qande Qaddi Guddeem magaalah Qunxaaneyta Dirkih Abbixuk Qaskariyyoh beyaanimih Taamooma abteh tanim Yescessem kee Tigray rakaakay xiinisak Geytimtah tan Cuwaacat missoynah qande Qqunxaaneyta Dirkih Qaskariyyoh beyak geytintaamih taagah Qunxaaneytak xaltani Kaxxa bohoyih addat geytimtam Qaddoose.
Professer Kindayya Tatruseh yan farmol Tannah tan abto Sissiguk Sooltam faxximtam kassiisak Salaam faxxah tan Exxaaxi Carbih maxhaxxah tan butta abak geytimtah tan Taamak Soolisoonuh faxximta macalitte takkem faxximtam kassiisak Adam baxi cakkit akkuk geytimtah tan Itqa Sissiguk Sooltam faxximtaamih Seeco Tatruse.
