Samarâ Jaamiqata
Samarâ Jaamiqat bixsseh tan Gudgudut Samarâ jaamiqatih miraaciinuuy, Qafár rakaakayak qunxaaneyti awlaytiitiiy, Qaadaa kee Sporti biiroh Miraaciinuuy, Qafár rakaakayak Muslim Qunxaaneytih malah buxah Prexidanti edde anuk Baxaabaxsa le Maglableela edde tengeleh tanim Yescessen.
Qafár rakaakayih doolatak Qaadaay Qunxaaneytaa kee Sporti biirok Qunxaaneyti langih saqalah yan Gifta Qumar Macammad Abeh yan yaabal iyyeemih Qafár rakaakayih qunxaaneyti Kaarib (walfi) Gadda yakkeenimih saami kaxxam uma caddooda Gufak geytimtam Yescesse.
Tohuuk gexxaamah Qunxaaneyti tannah tan taqabittek catoonuh Inkih tan maglableela Isinni doorii kee masuuliyyatak Yawqoonuh sittâ luk cattiimak taamitaanam faxximtam kassiise.
Samarâ jaamiqatak Kusaaq kee Teknoloojî tabaatabsak Ciggiila Prezidantih yan Gifta Adam Qali Isle kabuk elle baxxaaqisennal Samarâ jaamiqatal Kaarib(Walfi) leh Yan Qunxaaneytak mano milaagoonuh Baxaabaxsa le Taamoomi abak temeeteh tanim qaddoose.
Ciggiila (Fooca fanah) Inkih tan Maglableelâ luk cattiimak Qunxaaneyta Kaaribik (Walfik) catoonuh meqe xaloot le taama abeloonum Yiysixxige.
Gexseenih yanin walal Qunxaaneyti Walfit(Kaaribit) Culaanamih Saamitte addah hoonuh Sittâ luk cattiimak taamitaanam faxximtaanih mabla maqar luk Xayyoowtem warsan.
