Itiyoopiya
Itiyoopiyak Mabbaloowiyyi Komishiinik Komishineerih Yan Professor Masfin Araaya Elle qaddoosennal Itiyoopiyak Mabbaloowiyyi Komishiinik mabbaloowiyyi gexsit mango sanootah Itiyoopiyal sugteh tan Sittin wayittee kee kookaxawitte Dadalte mablal Yafdigoonuuy, Calli geysiisoonuh Macalak geytimaanam Yiysixxige.
Agatak mabbaloowiyyi komishiin Taturteh tan affara(4) Sanootah Fidin sittin gey kee gulgulusso abak yemeetem qaddoosak Baxaabaxsa le Gudguduttel Kulli exxaaxi edde tengeleh tan Walalitte Ajenda kaaboosaanamih Taamoomi tekkeh tanim qaddoose.
Itiyoopiyak mabbaloowiyyi Komishiin 4 alfi takke Gudgudut tangalô kobox leh yanim kee 8 Buttak Xissimteh tan Exxaaxi tanim qaddoosak Itiyoopiyah xaylo celtaah Inkih tan Itiyoopiyah Xayloh awlaytiit gaba edde tassagalleh tan Gudguditte Esseroora Xayyoowteh tanim Yescesse.
Agatak mabbaloowiyyi komishiin Xayyooseh tan tu taaxago Itiyoopiyah xayloh fanal Sittin gey kee sitta afhimiyyi caaloota ginnimtuh Kaxxam Taqabik tan Cagiidaa kee Tekkooka Aydaadi caddol elle temeetenna Tascasseeh Baxxaaqissah tan Kusaaqittee kee Alhumitte xayyoosak Faxxiima callitte geysiisoonuh macalaanam faxximtam qaddoose
Agatak mabbaloowiyyi Komishiinit Tangeleh tan maritte Inki ayyaamih addat Addis ababa Culeloonum kee Daganal 4 Ayyaamitte sugtu waytah tan Walalitte gexseloonum Yescease.
