Iraan kee Ameerikah xaagu
Iraanak Uguugumiini dacayrih Qande (IRGC) kimaal teyyeeqeh tan maybalaalaqal elle qaddoossennal Hebeltô maraakib Hormoz Badih Tabeenah gitaak Tature waytam faxximta Axcuk Maabinâ farmo Tatrusse.
Israa-il Gabbi qaxih Lubnaanat Abtah tan Maysattakooki Maqarroosak Gexxaamaak ugutak Iraan qande Hormoz badih tabeena Qagitaak alifteh tanim Tiysixxige.
Israa-il Qande A namma ayroh Gabbi qaxih Lubnaanat abteh tan Maysattakat 32 takke gabqasa qiddeh tanim Al-Jaziirah xaagih raceena qaddoosse.
Iraan doolat elle qaddoossennal Ameerikah Doolat Salaam sittin geyil culteh xagana Duuduse citeh tanim Tiysixxige.
Ameerikak Ciggiila Prezidantih yan Jedi Vansi elle qaddoosennal Iraan Hormoz Badih tabeena Gita alifteemih Sumaaq ane waam qaddoosem takkay immay Iraanak Uguugumiini dacayrih qande Ameerikak Fanti Macaxi Yeyyeeqeh yan maybalaalaqaak lakal teyyeeqeh tan maybalaalaqal Hormoz Badih tabeena Aliftem Tiysixxige.
Awayî saaqat Israa-ilik Naharsi malaak Binjamiin Natanyaahoo kee Israa-ilil Kalali qandeh malaakah yan Israa-il kasti Israa-il Qandeh Tatrusen amril Gabbi Qaxih lubnaanih Maysattaka akah soolisan innah Amri Tatruseenim Israa-ilik 12haytô Chanaal Tiysixxige.
Israa-il Gabbi Qaxih Lubaanal gexisak sugteh tan maysattaka akah Soolissem Ameerikâ luk Walalak abteh tan Maragaqa kinnim Baxaabaxsa le Oytitte ascassuk geytimta.
Ameerikaa kee Iraan awlaytiit(walal Erga) Swizerlandil Walal gexisak geytimaanak Yescessen.
