Ethiopia
Ingiliiz Doolat Isí xayloh Itiyoopiyak baxaabaxsa le Dsriifa fanah masafrina axcuk Takkaawissô farmo akah Tatrussem Dooroh udduur Ginnimtam duddah tan Saay taqabitteh bohoyuuk gexxaamah Tatrusseh tan Farmo kinnim warsan.
Doorô fanteenaanil kaxxa Dacayri anelem kee Gitittel mamaxxagah esserooraay, Kokkobittet (makaayinit) gibdih tan Fokkaaqooqâ maaqattooti aneleemih Taagah Itiyoopiyal geytimtah tan Ingiliiz Xaylo buxaaxik tawqeh tan udduur awqe waytam faxximtam kee Tewqeh mamaaxagâ waraakit luk yawqeenim faxximtam kee Saay kee Salaam caylitte Taceeh tan afkanitte katayaanam faxximtaamih Farmo Tatrusse.
Ingiliiz Doolat Isí xayloh Tatrusseh tan Takkaawissô farmol Itiyoopiyal wakti caalootaa kee Saay kee Salaam caagiida bohoy lem kinnuuk Ingiliiz Xaylo Itiyoopiyak Baxaabaxsa le Dariifa Fanah Safaraanam kaxxa Qawwalayla keenil kataassaamak Safaraanamak cubbi geyaanam faxximtam Tiysixxige.
Ingiliizik Irô caagiidah malaak Yeyyeeqeh yan Maybalaalaqal Ingiliiz Xaylo Safare waytam faxximtah tan Dariifa axcuk Teyyeeqeh tan Listil Tigrayaay, Amaarâ rakaakay kee Gambellah rakaakay kaxxa Qawwalaylah bohoy le Dariifa kinnuuk Igiliiz Xaylo Too Dariifa fanah Hebeltô Safar abe waytam faxximta axcuk Garci kaloot farmo Tatrusse.
Tonnaah Itiyoopiyak Suudaanaay, Gabbi qaxih Suudaanaay, Eretriyaay, Keeniyaa kee Soomaaliyah Cuduudittet raqtah tan Dariifa Fanah Safaraanam Kaxxa Waaso lem Tiysixxige..
Ingiliiz Doolat Isí xayloh garci kaloot Farmo Akah Tatrussem Itiyoopiyak Baxaabaxsa le Dariifal Amni caddol kaxxa bohoyitte tanim qaddoosak Ingiliiz Xaylo Irô caagiidah malaakih maktab Yeyyeeqeh yan Safar waasoh maysaxxa Cinak Safarah yan marak Itiyoopiyal geytimtah tan Ingiliiz Imbaasii kee Gunsuliyyat Hebeltô qokol abe waam qaddoosak kee Waaso leh tan Dariifa fanah Safartah Ingiliiz Xaylo Isí Masuuliyyat Takkuqem faxximtam Tiysixxige.
