Puntilandi
Soomaaliyak Isí amô baxxaaqa geyuh Macalak geytimah yan Puntilandih Rakaakayih doolat Teyyeeqeh tan maybalaalaqal Soomaaliyak Federaal doolat Puntilandih rakaakay fanah Madqaak Irok Silaacitte culussuh macalak geytimtam kee Kedoodâ fanal Bood ugussuh Ikraarusak geytimta axcuk Soomaaliyak Federaal doolatak Wayto(malkit) Xayyoossem kee Tohuuk Gexxaamah Soomaaliyak Federaal doolatâ luk Fantaaxaw leh tan Saay Caylih adoytiit kee Federaal doolatih Miraaciini Pontilandih Rakaakay akah Cule waytannah Waasô margaqa Tatrussem Yescessen.
Garowe Online xaagih raceena Puntilandih Rakaakayak Saay kee salaam malaak Yeyyeeqeh yan Maybalaalaqaak ugutak xayyoosseh tan Oytittel elle Tescessennal Pontulandih miraaciini elle qaddoosennal Soomaaliyak federaal doolat kee Fereey tekke Irô baaxooxa Edde angaluk Pontilandil Kedoodâ fanal Bood ugusoonuh Ikraaro Ayyaaquk geytimaanam diggoosse.
Soomaaliyak federaal doolat Pontilandih rakaakayih Prezidanti yan Saqid Qabdullaahi Dani miraacisah Yan Doolat Boolaasaanam faxaanam kee Pontilnadih Doolatih addal Keedô fitna Ugusak Pontilandik Siyaasâ dudda boolaasoonuh Ikraaro daffeesak taamitak geytimaanam Yescessen
Tohuuk Gexxaamah Pontilandih Rakaakayih doolat Teceeh tan Raddil Soomaaliyak Federaal doolatak Siyaasâ miraaciinuu kee Saay kee salaam caylitteh saqolti Pontilandi Akah cule waan innah margaqa Tatrusseh tanim Qaddoosen.
Puntalandih Rakaakayih doolat teyyeeqeh tan maybalaalaqal elle qaddoossennal Soomaaliyak Federaal Doolat Tet Gubat raqtah tan baxaabaxsa le rakaakayittet kaxxa ganoo kee bood uguugusih taamoomi abak geytimtam Tescesse.
